अब सागको सबै खेल घरमै बसेर हेर्नुस

१२ मंसिर काठमाडौं । नेपालमा हुने १३ औं दक्षिण एसियाली खेलकुद ‘साग’ को सम्पूर्ण खेलको प्रत्यक्ष प्रशारण नेपाल टेलिभिजनले गर्ने भएको छ ।

सागको प्रत्यक्ष प्रशारण अधिकार पाएको भारतीय कम्पनि एनके भेन्चर प्रालिको नक्षत्र न्युजले सागको प्रोडक्सन र प्रत्यक्ष प्रशारणका लागि एनटीभीसँग सम्झौता गरेको छ ।

सम्झौतासँगै सागको सबै खेल एनटीभी प्लसबाट हुनेछ । जस अन्तर्गत एनटीभीले भलिबल खेलको प्रत्यक्ष प्रशारण गरिरहेको छ । यस्तै सागको १४ खेलको प्रोडक्सन एनटीभीले गर्नेछ । टेलिभिजन प्रोडक्सनका लागि नक्षत्रले एनटीभीलाई दुई करोड उपलब्ध गराउने सम्झौता भएको छ ।