बजारमा पुन: बिक्री चाप आयो, के देखायो आजको बजारले ? (प्राविधिक विश्लेषणसहित)

९ मंसिर, काठमाडाैं । आज अन्तिम कारोवार दिन बजारमा बिक्रीकर्ताको चाप देखिएको छ ।  बजार आज ४ दशमलव ६७ ले घट्दै १११२ दशमलव ७९ को बिन्दुमा बन्द भएको छ । कारोवार रकम भने हिजो भन्दा आज वृद्धि हुँदै २४ करोड ३३  लाख पुगेको छ ।

हिजो बजार “ईण्ट्राडे हाई”मा बन्द भएको प्रवाह आज सुरुवाती समयमा देखिएको थियो ।  आज ११ बजेर २१ मिनेटमा बजारले १११९ दशमलव ६३ को उच्च बिन्दुसम्म पुगेको थियो तर त्यसपछि भने बजार निरन्तर घटेको थियो ।

बजारको अन्तिम बिन्दु र न्यून बिन्दु १११२ दशमलव ७९ को बिन्दु रहेकोले आज बजारले सकारात्मक प्रवृत्ति देखाउन सकेको छैन ।  अर्को कारोवार दिन सुरुवाती समयमा बजारमा बिक्री चाप आउने सम्भावना देखिन्छ ।

आज ४ कम्पनीको एक करोड माथिको शेयर कारोवार भएको छ ।  हिमालयन डिस्टिलरीको सर्वाधिक ३ करोड ३६ लाख बराबरको शेयर किनबेच भएको छ भने दोश्रोमा एनएमबी बैंकको १ करोड ६० लाख बराबराको शेयर किनबेच भएको छ ।

सर्वाधिक कमाउने र गुमाउने ५ कम्पनीहरु :

प्राविधिक विश्लेषण :

प्रतिरोध : ११२०                                                    टेवा : ११००

• आज नेप्सेमा बिक्रीकर्ताको चाप रहेको छ । कारोबार भने हिजोभन्दा बढेको छ । अन्तिम दिनको मैनबत्तीले खरिदकर्ता कमजोर रहेको जनाएको छ ।
• दैनिकी अवधिमा “आरएसआई” अझै पनि “न्यूट्रल जोन” भन्दा तल रहेको छ । आरएसआई ३५ दशमलब ६२ बिन्दुमा छ । यसले बजार बढ्न केही संघर्ष गर्नुपर्ने देखाउँछ ।
• “एडिएक्स” ले केहि समय अघिदेखि आपूर्ति हावी रहेकोमा हाल कमजोर हुँदै गएको संकेत गरेको छ ।
• जोड र बेजोड डाइरेक्सनल इन्डेक्स केहि मात्रामा नजिकिएकोले बजारमा माग बढ्न थालेको संकेत गरेको छ ।
• “अन ब्यालेन्स भल्यूम” हाल प्रभावकारी देखिदैन ।
• नेप्से बढेमा प्रतिरोध ११२० मा पाउने देखिन्छ र घटेमा मुख्य टेवा ११०० मा पाउने देखिन्छ ।