ओलीको अनुपस्थितिमा त्रिविको सिनेट बैठक

१२ मंसिर, काठमाडौं । त्रिभुवन विश्वविद्यालयका कुलपति समेत रहेका प्रधानमन्त्री केपी ओली उपचारार्थ अस्पताल भर्ना भएकै बेला सिनेट बैठक हुने भएको छ ।

त्रिविका उपकुलपति डा. धर्मकान्त बाँस्कोटाले भोलि मंसिर १३ गते सिनेट बैठक आह्वान गरेका छन् ।

सामान्यतः प्रधानमन्त्रीको उपस्थितिमा बस्ने सिनेट बैठक यसरी हतारमा आह्वान गर्नु आफैंमा अनौठो मानिएको छ ।

यसबारे त्रिवि उपकुलपति बाँस्कोटाले भने प्रधानमन्त्री ओलीकै सहमतिमा वैठक डाकिएको बताएका छन् ।

कुलपतिको अनुपस्थितिमा सहकुलपति शिक्षामन्त्री बैठकमा सहभागी हुने जानकारी पनि उपकुलपति बाँस्कोटाले दिएका छन् ।