यो साता पनि लगानीकर्ता निराश, सातामा ७ दशमलव ८१ अंकले घट्यो बजार (साप्ताहिक अपटेड )

१३ मंसिर, काठमाडाैं । यो साता नेप्से परिसूचकमा ७ दशमलव ८१ अंकको गिरावट देखिएको छ। नेप्से परिसूचक अघिल्लो साताको अन्तिम कारोवार दिन अर्थात मंसिर ५ गते ११२० दशमलव ६० को विन्दुमा बन्द भएको थियो भने यस साताको अन्तिम कारोवार दिन अर्थात मंसिर १२ गते नेप्से परिसूचक १११२ दशमलव ७९ को विन्दुमा बन्द भएको थियो ।

साताको पहिलो कारोवारकाे दिन आइतबार नै बजार १० दशमलव ५३ अंकले घटेर १११० दशमलव ०८ को विन्दुमा पुगेको थियो । त्यस्तै दोश्रो कारोवार दिन सोमबार बजार स्थिर रह्यो । साताको तेश्रो कारोवार दिन मंगलबार नेप्से परिसूचक सामान्य अंकले घटेको थियो ।

साताको चौथो कारोवार दिन बुधवार नेप्से परिसूचकमा ८ दशमलव २९ अंकको वृद्धि देखिएको थियो र साताको अन्तिम कारोवार दिन बिहीबार नेप्से परिसूचक ४ दशमलव ६७ अंकले घट्दै १११२ दशमलव ७९ को विन्दुमा बन्द भएको थियो ।

अघिल्लो साता १ अर्ब ५७ करोड बराबरको शेयर किनबेच भएको थियो भने यो सात १ अर्ब ३२ करोड बराबरको शेयर किनबेच भएको छ ।

यो साता एनएमबी बैंकको शेयर सबै भन्दा धेरै किनबेच भयो । बैंकको ९ करोड ८५ लाख बराबरको शेयर किनबेच भएको छ त्यस्तै दोश्रोमा ९ करोड ७९ लाख बराबरको नेपाल इन्भेस्टमेन्ट बैंकको सस्थापक शेयर किनबेच भएको छ ।

शेयर सूचीकरण:
यो साता नेको इन्स्योरेन्स, नेपाल इन्स्योरेन्स र प्राईम लाईफ इन्स्योरेन्सको बोनस शेयर नेप्सेमा सुचीकृत भएका  छन् भने ग्लोबल आईएमई लघुवित्तको हकप्रद शेयर नेप्सेमा सुचीकृत भएका छन् ।

श्रोत : नेप्सेले प्रकाशन गर्ने साप्ताहिक रिपोर्ट