उपनिर्वाचनमा कांग्रेसले अहिलेसम्म कहाँ-कहाँ जित्यो

१५ मंसिर, काठमाडौं । हिजो सम्पन्न उपनिर्वाचनको मतपरिणाम धमाधम आउन थालेको छ । संघीय, प्रदेश र स्थानीय निकायमा रिक्त ठाँउहरुमा हिजो मंसिर १४ गते सम्पन्न चुनावको मतगणना जारी छ भने केही ठाउँको परिणाम प्राप्त हुन थालेको छ ।

प्राप्त पछिल्लो मतपरिणाम अनुसार नेपाली कांग्रेसका उम्मेदवारहरुले स्थानीय निकायका केही ठाउँमा चुनाव जितेका छन् । जसमा बैतडी सुर्नया गाउँपालिका वडा नम्बर -१ को वडा अध्यक्षमा नेपाली कांग्रेसका गजेन्द्रबहादुर चन्द बिजयी भएका छन् । त्यस्तै अर्घाखाँची मालारानी ३ मा कांग्रेसका शोभाखर खनाल , गढिमाई नगरपालिका -२ मा नेपाली काङ्ग्रेस ,चितवन खैरहनी नगरपालिका वडा न. ५ मा नेपाली कांग्रेसकी प्रतिमा कार्की बस्नेत बिजयी भएका छन् ।

यसैगरि भरतपुर महानगरपालिका वडा न १६ , चितवनमा नेपाली कांग्रेसका उम्मेद्वार अमृतराज हमाल बिजयी भएका छन् । त्यसैगरि दाङ घोराही वडा न १६ मा नेका , चितवन खैरहनी ४ मा काङ्ग्रेसका देवबहादुर, बारा जिल्लाको गढीमाई नगरपालिका समनपुरमा वार्ड-२ को अध्यक्ष पदका उम्मेदवार नेपाली कांग्रेसका दिपेन्द्र श्रेष्ठ, चम्पादेबी गाउपालिका वडा नम्बर -३ मा नेपाली कांग्रेसका उम्मेद्वार राजु बुढाथोकी, महोत्तरीको बल्बा नपा वडा न.२ मा नेपाली काङ्ग्रेस का उम्मेदवारले ४६१ मत ल्याई बिपिन पजियार विजयी भएका छन् भने दोगडा केदार गाउपालिका- ४ बैतडीको वडा अध्यक्षमा नेका का सुरेन्द्र भट्ट बिजयी भएका छन् ।