धरानमा कांग्रेसको अग्रता

१५ मंसिर, काठमाडौं । धरान उपमहानगरपालिकाको जारी मतगणनामा प्रमुख प्रतिपक्षी नेपाली कांग्रेसले अग्रता लिएको छ ।

प्राप्त पछिल्लो मत परिणाम अनुसार, नेपाली कांग्रेसबाट मेयर पदका प्रत्यासी तिलक राईले सत्तारुढ नेकपाका उमेदवार प्रकाश राईलाई झण्डै पाँच सय मतले पछि पारेका छन् ।

प्राप्त पछिल्लो मत परिणाम अनुसार कांग्रेसका उमेदवार तिलकले ६ हजार ८५७ र नेकपाका प्रत्याशी प्रकाश राईले ६ हजार ४२३ मत प्राप्त गरेका छन् । विगतमा नेपाली कांग्रेस भन्दा झण्डै दोब्बर मत ल्याउने तत्कालिन एमालेले हाल पाएको मतले धेरै अर्थ राखेको छ ।

स्थानीय पत्रकार तथा पेशाकर्मीहरुले गरेको अनुमान अनुसार यहाँ नेपाली कांग्रेसका तिलक राई नै विजयी हुने देखिन्छ । हालसम्म गणना गरिएको मतपेटिका नेकपाको वर्चश्व रहेको ठाउँमा पर्छ भने बाँकी मत पेटिकामा काँग्रेसकै धेरै सैद्धान्तिक मत रहेको अनुमान गरिएको छ ।