करातेको महिला टिम कातामा नेपाललाई स्वर्ण

१६ मंसिर काठमाडौं । १३औं दक्षिण एसियाली खेलकुद ‘साग’अन्तर्गत सोमबारबाट सुरु भएको करातेको महिला टिम कातातर्फ नेपालले २४.८८ अंक हासिल गर्दै पदक जितेको छ। सातदोबाटोस्थित कराते हलमा जारी प्रतियोगितामा नेपालले फाइनलमा पाकिस्तानलाई पराजित गरेको हो।

स्वर्ण जित्ने नेपाली टोलीमा सरु कार्की, निर्मला तामाङ र संगीता मगर छन्। रजत पदक जित्ने पाकिस्तानले २३।३ अंक जोड्यो। नेपालले यसअघि एकल पुरुषमा मन्डेकाजी श्रेष्ठले स्वर्ण जितेका थिए।

पहिलो चरणमा नेपाली महिला टोलीले २४.७४ अंक जोडका थिए। सोही चरणमा श्रीलंकाले २२.५४ अंक हासिल गरेको थियो। त्यस्तै, पहिलो चरणमा बंगलादेशले २४.०८ अंक जोडेको थियो। त्यस्तै पाकिस्तानले २५.१४ जोडेको थियो। नेपाली टोली पहिलो चरणमा श्रीलंकालाई पराजित गर्दै फाइनलमा पुगेको थियो।