बजार स्थिर, कारोवार रकम २३ करोड माथि, के देखाउँछ प्राविधिक विश्लेषणले ?

१६ मंसिर, काठमाडाैं ।  आज पनि बजार स्थिर रह्यो । बजारमा त्यति ठुलो उतारचढाव देखिएन । नेप्से परिसूचक सामान्य शुन्य दशमलव ८६ अंकले घटेर ११११ दशमलव ९९ को बिन्दुमा बन्द भएको छ ।  दिनभरमा २३ करोड २२ लाख बराबरको शेयर खरिदबिक्री भएको छ ।  दिनभर ब्रोकर अफिसहरु सुनसान थिए । नेपाल स्टक एक्सचेञ्जको कारोबार प्रणालीमा खराबी उत्पन्न भएपछि सोमबार १५ मिनेट शेयर कारोबार प्रभावित बनेको थियाे । कारोबार प्रणालीमा ११ बजेर २९ मिनेट पश्चात खराबी उत्पन्न भएसँगै नेप्सेको वेवसाइट पनि ११ बजेर ४५ मिनेसम्म बन्द भएको थियो ।

आज  बजारले १ बजेर १ मिनेटमा सर्वाधिक १११३ दशमलव ७४ को उच्च बिन्दुसम्म पुगेको थियो भने १२ बजेर ५ मिनेटमा न्यून बिन्दु १११० दशमलव ९८ समातेको थियो ।

एनएमबी बैंकको सर्वाधिक १ करोड ९३ लाखको शेयर खरिदबिक्री हुँदा नेशनल माईक्रो फाईनान्सका शेयरधनीले सर्वाधिक ९ दशमलव ९६ प्रतिशतले कमाए भने अरुण काबेली पावरका शेयरधनीले सर्वाधिक ६ दशमलव ५५ प्रतिशत गुमाए ।

प्राविधिक विश्लेषण:

प्रतिरोध : ११२०                                                       टेवा : ११००

• आज नेप्सेमा उतारचढाव कम रहेको छ । खरिदकर्ता र बिक्रीकर्ताको चाप दुबै बराबर रहेको छ । कारोबार भने अघिल्लो दिनभन्दा बढेको छ ।
• अन्तिम दिनको मैनबत्तीले बजारमा माग र आपूर्ति लगभग बराबर रहेको जनाएको छ ।
• दैनिकी अवधिमा “आरएसआई” अझै पनि “न्यूट्रल जोन” भन्दा तल रहेको छ । आरएसआई ३५ दशमलब १५ बिन्दुमा छ । यसले बजार बढी हाल्ने संकेत गरेको देखिदैन् ।
• “एडिएक्स” तथा जोड बिजोड डाइरेक्सनल इन्डेक्सहरुले हाल बजार तटस्थ रहेको संकेत गरेको छ ।
• “अन ब्यालेन्स भल्यूम” ले आज बजार बढ्न सक्ने संकेत गरेको छ ।
• नेप्से बढेमा प्रतिरोध ११२० मा पाउने देखिन्छ र घटेमा मुख्य टेवा ११०० मा पाउने देखिन्छ ।