नेप्से परिसूचकमा ३ दशमलव ७५ अंकको बृद्धि हुँदा जीवन बीमा उपसुचकमा सर्वाधिक बृद्धि

१७ मंसिर, काठमाडाैं । दोश्रो बजारमा आज सामान्य अंकले बृद्धि भएको छ । नेप्से परिसुचक ३ दशमलव ७५ अंकले वृद्धि हुँदै १११५ दशमलव ७४ को बिन्दुमा बन्द भएको छ ।

सिद्धार्थ बैंक लिमिटेडको संस्थापक शेयर सर्वाधिक कारोवार भए संगै आज २६ करोड ६८ लाख बराबरको शेयर खरीदबिक्री भएको छ ।  सिद्धार्थ बैंकको २ करोड ६० लाख बराबरको संस्थापक शेयर कारोवार भएको छ ।
बजारले २ बजे १११७ दशमलव ८३ को उच्च विन्दु समातेको थियो भने ११ बजेर १५ मिनेटमा ११११ दशमलव १९ को न्यून विन्दु समातेको थियो । बजार खुलेबाट नै बढ्दो ट्रेन्डमा थियो तर २ बजे पछि भने बजारमा थोरै बिक्री चाप आएको अनुभूति गर्न सकिन्थ्यो ।

आज जीवन बीमा कम्पनीहरुको उपसुचकमा सर्वाधिक १ दशमलव २७ प्रतिशतको वृद्धि देखिएको छ भने “ट्रेडिङ्ग” उपसुचक सर्वाधिक ३ दशमलव ९८ प्रतिशतले घटेको छ ।

घोडीघोडा लघुवित्तको शेयर मूल्य सर्वाधिक १० प्रतिशतले वृद्धि हुँदै प्रतिकित्ता ६३८ मा कारोवार बन्द भएको छ भने साल्ट ट्रेडिङ्ग कर्पोरेशनको शेयरमूल्य सर्वाधिक ५ दशमलव ४१ प्रतिशतले घट्दै प्रति कित्ता ११८८ मा कारोवार बन्द भएको छ ।

प्राविधिक विश्लेषण:

प्रतिरोध : ११२०                                                          टेवा : ११०७

• आज नेप्सेमा खरिदकर्ताको चाप रहेको देखिन्छ । कारोबार भने अघिल्लो कारोबार दिनभन्दा बढेको छ । अन्तिम दिनको मैनबत्तीले आपूर्तीभन्दा माग बढेको जनाएको छ ।
• दैनिकी अवधिमा “आरएसआई” अझै पनि “न्यूट्रल जोन” भन्दा तल रहेको छ । आरएसआई ३९ दशमलब ४२ बिन्दुमा छ । आरएसआईले खरिदकर्ताको चाप केहि मात्रामा रहेको संकेत गरेको छ ।
• “एडिएक्स” सामान्य रहे पनि जोड र बिजोड डाइरेक्सनल इन्डेक्सहरुले बजारमा खरिदकर्ताको चाप केहि मात्रामा रहेको संकेत गरेको छ । “अन ब्यालेन्स भल्यूम” प्रभावकारी देखिदैन ।
• नेप्से बढेमा प्रतिरोध ११२० मा पाउने देखिन्छ र घटेमा टेवा ११०७ मा पाउने देखिन्छ ।