परीक्षा बहिष्कार गर्ने विद्यार्थी गिरफ्तार

१९ मंसिर, पोखरा । आजबाट सुरु भएको एमबीबीएस परीक्षा वहिष्कार गर्ने पोखरास्थित गण्डकी मेडिकल कलेजमा अध्ययनरत विद्यार्थीलाई प्रहरीले गिरफ्तार गरेको छ । एमबीबीएस पहिलो र दोस्रो वर्षमा गैर कानूनी रुपमा उठाइएको शुल्क फिर्ता गर्ने माग राखी आन्दोलनरत विद्यार्थीले आजबाट सुरु पहिलो वर्षको परीक्षा बहिष्कार गरेका हुन् ।

आज परिक्षा सुरु भए लगत्तै हलबाट बाहिरिएका विद्यार्थी मध्ये ९ जनालाई प्रहरीले नियन्त्रणमा लिई डाँडानाक प्रहरी चौकी पु¥याएको थियो । मंसिर १० गते कलेजले उठाएको गैरकानूनी रकम फिर्ता गर्ने सहमति भएपनि अहिलेसम्म भएको छैन । साथै शिक्षा मन्त्रालय र मेडिकल कलेज सञ्चालकबीच भएको सम्झौता अमूर्त र विद्यार्थी मैत्री नभएको भन्दै विद्यार्थीले विरोध जनाउँदै आएका छन् ।