अनु लामाको कीर्तिमान भंग गर्दै सावित्राको कीर्तिमान, स्वर्ण पदकका लागि भारतसँग भेट

१९ मंसिर, पोखरा । फुटबलर सावित्रा भण्डारीले अनु लामाको कीर्तिमान भंग गर्दै नेपालका लागि सर्वाधिक गोल गर्ने महिला खेलाडीको कीर्तिमान बनाएकी छिन् । १३ औं साग अन्तर्गत बिहीबार माल्दिभ्सविरुद्ध गोल गर्दै सावित्राले नेपालको लागि ३७ औं गोल पूरा गरेकी हुन् । उनले ३५ गोल गर्ने अनु लामालाई उछिन्दै सर्वाधिक गोलकर्तामा आफ्नो नाममा राखेकी हुन् । सावित्राकाे याे गाेल सँगै जारी साग खेलमा नेपालले स्वर्णपदक उपाधीका लागि भारतसँग भेट पक्का गरेकाे छ ।

उनले २०१४ मा इस्लामावादम भएको साफ च्याम्पियनसिपमा १ गोल गरेसँगै गोलको खाता खोलेकि थिइन् । त्यसैगरी २०१६ मा भएको साग खेलमा २ गोल, साफ च्याम्पियनसिपमा १२ गोल, ओलम्पिक छनौट पहिलो चरणको खेल २०१८ मा १ गोल गरेकी सावित्राले हिरो गोल्डकप २०१९ मा ४ गोल गरेकी थिइनु । साफ च्याम्पियनसिप २०१९मा ४ गोल गरेकी उनले ओलम्पिक छनौट दोस्रो चरणमा २ गोल गरेकी थिइन् । उनले नादेझ्दा कप सन् २०१९ मा ७ गोलको वर्ष गरेकि थिइन् भने मैत्रीपूर्ण खेलमा २ गोल गरेकी थिइन् । जारी साग प्रतियोगितामा २ गोल गरेकी सावित्रा ३७ गोल गर्ने नेपाली पहिलो महिला फुटबलर बनेकी छिन् ।