हैदराबादमा बलात्कारका चार सन्दिग्ध अपराधी ‘प्रहरी इन्काउन्टर’मा मारिए
नेपालबहस संवाददाता
मंसिर २०, २०७६ शुक्रबार २२:५२:२९
२० मंसिर एजेन्सी । दक्षिण भारतको हैदराबादमा एक पशुचिकित्सकको बलात्कारपछि हत्या भएको घटनामा पक्राउ परेका चार सन्दिग्ध व्यक्तिहरू “प्रहरी इन्काउन्टर”मा मारिएको प्रहरी स्रोतले जानकारी दिएको छ । एक हप्तासम्म हिरासतमा रहेका ती सदिग्ध आरोपी व्यक्तिहरू शुक्रवार बिहान दक्षिणी भारतीय शहर हैदराबादमा भाग्न खोज्दा गोली हानिएको प्रहरीले जानकारी दिएको छ ।
ती सदिग्ध आरोपीहरू सुरक्षा अधिकारीबाट हतियार लिन खोज्दा सुरक्षाबलले गरेको कारबाहीमा मारिएका उप प्रहरी आयुक्त प्रकाश रेड्डीले एएफपीलाई बताएका छन् । यी चार जनामाथि गत नोभेम्बरमा भारतको हैदराबाद शहर निवासी २७ वर्षीया महिला पशुचिकित्सकको बलात्कार गरी हत्या गरेको आरोप छ ।
तेलङ्गना प्रहरीका एक वरिष्ठ अधिकारीका अनुसार शुक्रबार बिहान ३ बजेतिर उनीहरूको एउटा “भिडन्त” मा मृत्यु भएको हो । घटनास्थल हैदराबादबाट ५० किलोमिटर पर रहेको छ । यी चारै जना संदिग्ध अपराधीलाई पीडित महिलाको जलेको शव भेटिएको स्थानमा लगेर प्रहरीले अनुसन्धान गर्न खोजेको हैदराबादका प्रहरी प्रमुखले बताएका छन् । त्यहाँ उनीहरूले आफूहरुमाथि आक्रमण गर्न खोजेपछि प्रतिकार गरेको र भिडन्त भएको प्रहरीले दाबी गरेको छ ।
प्रहरीका अनुसार यस झपडमा परी दुई प्रहरी अधिकारी घाइते भएका थिए । पशु चिकित्सकलाई बलात्कारपछि हत्या गर्ने व्यक्तिहरूलाई कडा कारबाहीको माग गर्दै भारतभर प्रदर्शन जारी रहेको छ ।
भारतको संसद्मा बोल्दै सांसदहरुले ती व्यक्तिलाई सार्वजनिकस्थलमा उभ्याएर मार्नुपर्ने माग गरेका थिए । भारतीय सांसद जया बच्चनले संसद्मा बोल्दै सो धारणा राखेकी थिइन् । सामूहिक बलात्कार र हत्याको विभिन्न राजनीतिक दलका कैयौँ सांसदले निन्दा गरेका छन् ।
हराइरहेकी ती पशु चिकित्सकको जलेको शरीर गत साता फेला परेको थियो । गत बुधवार साँझ स्थानीय समयानुसार ६ बजेतिर २७ वर्षीया ती महिला आफ्नो स्कूटरमा घरबाट निस्किएकी थिइन् । केही समयपछि उनले आफ्नो स्कूटर पन्चट भएको र एक ट्रक ड्राइभर सहयोग गर्न अघि सरेको जानकारी बहिनीलाई फोनबाट दिएकी थिइन् ।
महिलाविरुद्ध हिंसाका विभिन्न चर्चित घटनामा सार्वजनिक रूपमा चर्को आक्रोश देखिए पनि भारतमा बलात्कार तथा हिंसाका घटना रोकिएका छैनन् । सांसदले महिलाका निम्ति देश सुरक्षित बनाउन सरकारले के गरिरहेको छ भन्ने प्रश्न गरेका छन् ।
भारतीय रक्षामन्त्री राजनाथ सिंहले यो घटना सम्पूर्ण देशका लागि लज्जास्पद भएको र यसबाट सबैको मन दुखेको बताएका छन् । साथै यस घटनाको निन्दा गर्ने आफूसँग उचित शब्द नभएको पनि उनले बताएका छन् ।
सन् २०१२ को डिसेम्बर महिनामा दिल्लीमा एक महिलाको बसभित्र भएको सामूहिक बलात्कार र यसपछिको हत्याको प्रयासको घटनापश्चात् ल्याइएका कडा कानुनले महिला विरुद्धका अपराधमा कम गराउने अपेक्षा गरिए भए पनि त्यसो हुन नसकेको सिंहको भनाइ छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअमेरिकाले युक्रेनलाई २७ करोड ५० लाख अमेरिकी डलर सहयोग गर्ने
जेठ १२, २०८१ शनिबार
भारतको लोकसभाको छैटौं चरणको मतदान आज
जेठ १२, २०८१ शनिबार
रफाहमा आक्रमण तुरुन्त रोक्न इजरायललाई संयुक्त राष्ट्र संघ अदालतको आदेश
जेठ ११, २०८१ शुक्रबार
अवैध नदीजन्य पदार्थ ओसारपसार गरिरहेका टिपर स्थानीयको नियन्त्रणमा
नेपालबहस संवाददाता
जेठ १०, २०८१ बिहिबार
यस्तो छ सहकारीको शिर, दलीय वर्चश्वमा एमाले !
केदार भट्टराई (काका)
जेठ १०, २०८१ बिहिबार
भारतीय कारखानामा विस्फोट : मृत्यु हुनेको संख्या ११ पुग्यो
नेपालबहस संवाददाता
जेठ ११, २०८१ शुक्रबार
के तपाईको हातमा पैसा जोगिदैन ? यी तरिकाहरु अपनाउनुस् !
जेठ १२, २०८१ शनिबार
तपाईको आजको राशीफल कस्तो छ ?
जेठ १२, २०८१ शनिबार
के क्रिकेटर हार्दिक र नतासाको डिभोर्स भएको ?
जेठ १२, २०८१ शनिबार
सरकार बनेको महिना दिन पुग्दापनि सुदूरपश्चिममा मन्त्रिपरिषद्ले किन पूर्णता पाएन ?
जेठ १२, २०८१ शनिबार
देशमा संविधान र विधिको शासन हुनुपर्दछ : पूर्वराष्ट्रपति यादव
जेठ १२, २०८१ शनिबार
पत्रकार पूर्णिमाद्वारा सगरमाथा आरोहणमा विश्व कीर्तिमान
जेठ १२, २०८१ शनिबार
भारतको सहयोगमा दाङ जिल्लामा निमार्ण गरिएको विद्यालय भवनको उद्घाटन
जेठ १२, २०८१ शनिबार
‘थाइराइड देखिँदैमा सन्तान जन्मिदैन भन्ने भ्रममात्र’
जेठ १२, २०८१ शनिबार
नुवाकोटमा पौडी खेल्ने क्रममा दुई युवाको मृत्यु
जेठ १२, २०८१ शनिबार