सामुद्रिक चक्रवात पवनको कारण नेपालमा बदली

२१ मंसिर काठमाडौं । अरब सागरमा रहेको सामुद्रिक चक्रवात पवनको प्रभाव नेपालमा पनि देखिएको जल तथा मौसम पूर्वानुमान महाशाखाले जनाएको हो । पवनकै कारण नेपालमा बदली भएको मौसमविदले बताएका छन् ।

हाल देशका अधिकांश क्षेत्रमा आंशिकदेखि सामान्य बदलीको अवस्था छ । शनिबार दिनभर पनि देशभरका अधिकांश क्षेत्रको मौसम आंशिकदेखि सामान्य बदली हुने जनाइएको छ ।

राति भने मौसम केही सफा हुनेछ । राति मध्य र पूर्वका पहाडी क्षेत्रमा आंशिक बदली हुनेछ भने बाँकी क्षेत्रको मौसम सामान्यतया सफा रहने मौसमविदले बताएका छन् ।

पवनको प्रभाव मध्य हुँदै पूर्वी क्षेत्रमा सर्दै गएको मौसमविद वरुण पौडेलले जानकारी दिएका छन् । यसका कारण दिनभर आंशिक बदली भए पनि ठूलो प्रभाव भने नपर्ने उनले जानकारी दिए ।

पहाडी क्षेत्रका एक–दुई ठाउँमा छिटफुट वर्षाको सम्भावना रहेको उनले बताएका छन् । अधिकतम तापक्रम घट्दै जाने क्रम जारी रहेकाले देशभर जाडो बढिरहेको मौसमविदले बताए ।

काठमाडौँ उपत्यकामा शनिबार बिहानको न्यूनतम तापक्रम ५.८ डिग्रिसेल्सियस मापन गरिएको छ भने अधिकतम तापक्रम १९ डिग्रीसम्म पुग्न सक्ने जनाइएको छ ।

आगामी तीन दिनको मौसम पूर्वानुमान

मंसीर २१  गते (शनिबार)

दिउँसो: देशको अधिकांश भूभागमा आंशिक देखि सामान्य बदलि रहनेछ ।

राती: देशको मध्य र पूर्वी पहाडी भू-भागमा आंशिक बदलि रही बाँकी भूभागमा मौसम सामान्यतया सफा  रहनेछ ।

 मंसीर २२ गते (आइतबार)
दिउँसो: देशको मध्य र पूर्वी पहाडी भू-भागमा आंशिक बदलि रही बाँकी भूभागमा मौसम सामान्यतया सफा  रहनेछ ।

राती: देशको मध्य र पूर्वी पहाडी भू-भागमा आंशिक बदलि रही बाँकी भूभागमा मौसम सामान्यतया सफा  रहनेछ ।

मंसीर २३ गते (सोमबार)
दिउँसो: देशको मध्य र पूर्वी पहाडी भू-भागमा आंशिक बदलि रही बाँकी भूभागमा मौसम सामान्यतया सफा  रहनेछ ।

राती: देशको पहाडी भू-भागमा आंशिक बदलि रही बाँकी भूभागमा मौसम सामान्यतया सफा  रहनेछ ।