भारतमा आज र भोलि हुने अन्तर्राष्ट्रिय कराँतेमा नेपालको सहभागिता

२१ मंसिर, काठमाडौं । भारतको उत्तर प्रदेश राज्यको आग्रा शहरमा आज र भोली हुन गइरहेको अन्तर्राष्ट्रिय कराँते प्रतियोगितामा नेपालले पनि सहभागिता जनाउँदै छ ।

गत वर्ष झैँ यस वर्ष पनि तोयोकान नेपाल वादोरियो कराँते डो संघ, गोकर्णेश्वरले भारतमा हुने JKS ALL INDIA & INDO-CONTINENTAL INTERNATIONAL KARATE CHAMPIONSHIP-2019 मा नेपालको प्रतिनिधित्व गरेको छ । उक्त खेलमा सहभागि गत मंसिर १९ गते गोकर्णेश्वर नगरपालिकाका मेयर सन्तोष चालिसेका प्रमुख आतिथ्यतामा ९ सदस्य खेलाडिसहित अफिसियल टिमलाई विजयको प्रतिक रातोटिका र फुमालाका साथ विदाइ गरिएको थियो ।

नेपाल वादो महासंघका अध्यक्ष संजय लामाका अनुसार २०१९ डिसेम्बर ७ र ८ मा त्यहाँ सम्पन्न हुने खेलका लागि सहभागि हुने खेलाडीहरुमा सुहाना कार्की, अलिशा थापामगर, शिखा बजगाई, खुशी के.सी, स्वास्तीका मगर, विराज तामा, तिपसिङ्ग तामाङ, श्याम बा. वाइबा तामाङ र रन्जन कु. सापकोटा रहेका छन् । त्यसै गरी प्रमुख प्रशिक्षक अरुण कुमार कार्की, टिम म्यानेजर पेम्बा शेर्पा र संघका वरिष्ठ उपाध्यक्ष प्रेम कुमार श्रेष्ठ पनि साथै गएका छन् । गत वर्ष सहभागि भएको नेपाल टिम च्याम्पियन बन्दै २१ स्वर्णपद जितेर घर फर्किएको थियो ।