घरेलु मैदानमा महिला फुटबलरको हार, खड्काले दिए राजिनामा

२३ मंसिर, पोखरा । १३ औं दक्षिण एसियाली खेलकुद (साग)मा नेपाली महिला फुटबल टिमले हार व्यहोरेको छ । नेपाल भारतसँग पराजित भएको हो। सोमबार भएको फाइनल खेलमा भारतसँग नेपाल २ गोलले पराजित भएक हो ।

महिला फुटबल टोलीले फाइनलमा हार व्यहोरेपछि नेपाली टोलीका मुख्य प्रशिक्षक हरि खड्काले पदबाट राजीनामा दिएका छन्। पोखरामा भएको फाइनलमा नेपाल भारतसँग २–० गोल अन्तरले पराजित भएपछि प्रशिक्षक खड्काले नैतिकताका आधारमा राजीनामा दिएको बताएका छन् ।

घरेलु मैदानमै भएको सागमा स्वर्ण जित्ने लक्ष्यसहित तयारी थालेको महिला टोली पुनः फाइनलमा पराजित हुन पुगेपछि प्रशिक्षकले राजीनामा दिएका हुन् । यसअघि फागुनमा भएको साफ च्याम्पियनसिपमा पनि नेपाल फाइनलमा भारतसँग पराजित भएको थियो । प्रशिक्षकबाट राजीनामा दिएका खड्काले एन्फासँगको सहकार्य निरन्तर रहने बताएका छन् ।

त्योसँगै नेपाली राष्ट्रिय महिला फुटबल टिमका प्रशिक्षक हरि खड्काले पदबाट राजीनामा दिएका छन् । साग महिला फुटबलको फाइनलमा नेपाल भारतसँग पराजित भएसँगै खड्काले राजीनामाको घोषणा गरेका हुन् । पोखरामा भएको फाइनलमा फेरि भारतसँग हारेपछि नेपालले रजतमा चित्त बुझाएकाेछ ।

कप्तान थापा र डिफेन्डर लिम्बुले लिए सन्यास

नेपाली महिला फुटबल टिमकी कप्तान निरु थापा र डिफेन्डर मनमाया लिम्बूले अन्तर्राष्ट्रिय खेलबाट संन्यास लिएका छन् । सोमबार भारतसँगको खेलमा पराजित भएपछि उनीहरुले अन्तर्राष्ट्रिय खेलबाट सन्यासको घोषणा गरेका हुन् ।