डेपुटी गभर्नर श्रेष्ठलाई बर्खास्त गर्ने तयारी

२५ मंसिर काठमाडौं । नेपाल राष्ट्र बैंकका डेपुटी गभर्नर शिवराज श्रेष्ठ विरुद्ध गठन भएको छानविन समितिले प्रतिवेदन तयार गरेको छ । समितिले आरोपी श्रेष्ठबाट राज्यकोषको दुरुपयोग गरेकाे भन्दै दोषी ठहर गरेको स्रोतले बताएको छ ।

राष्ट्र बैंकका सञ्चालक श्रीराम पौडेलको अध्यक्षतामा गठित छानविन समितिले प्रतिबेदन अर्थ मन्त्रालयमा बुझाई सकेको छ ।
खासगरी विदेश भ्रमणका बेला निम्तो गर्ने संस्था र राष्ट्र बैंक दुबैतिरबाट सुविधा लिई राज्यकोषको दुरुपयोग गरेको भन्दै उनलाई दोषी करार गरिएकाे हाे ।

नेपाली कांग्रेस निकट मानिने डेपुटी गभर्नर श्रेष्ठलाई भावी गभर्नरका लागि सम्भाव्य उमेदवार नै नबनाउने गरी बर्खास्त गर्ने तयारी भएको आरोप लगाइएको छ । छानविन समितिको आरोपलाई आधार बनाएर डेपुटी गभर्नर श्रेष्ठलाई बर्खास्त गर्न लागिएको छ ।