प्रतिरोध क्षेत्रलाई तोड्दै अघि बढ्यो बजार, लघुवित्तका शेयरधनी मालामाल

२५ मंसिर, काठमाडाैं । शेयर बजारमा आज पुन दोहोरो अंकको वृद्धि देखिएको छ । नेप्से परिसूचक १० दशमलव ११ अंकले वृद्धि हुँदै ११६१ दशमलव ४७ को विन्दुमा दोश्रो बजार बन्द भएको छ । नेप्से परिसूचकलाई कारोवार रकमले पनि साथ दिएको छ । कारोवार रकम हिजो भन्दा आज केही करोड वृद्धि हुँदै ५५ करोड १३ लाख पुगेको छ । आज १७३ कम्पनीका २० लाख ४३ हजार कित्ता शेयर खरिदबिक्री भएको छ । शेयर बजार निरन्तर वृद्धि हुन् थालेको ७ दिन भएको छ । लामो समयदेखि निराश लगानीकर्ताको मुहारमा केही दिनदेखि खुशी छाएको छ ।

आज बजार खुलेबाट नै सकारात्मक प्रवृत्ति समातेको थियो । बजारको  खुला विन्दु ११५० दशमलव ८४ रहेकोमा बजारको न्यून विन्दु पनि त्यही रहेको छ । बजारले २ बजेर ११ मिनेटमा ११६६ दशमलव १६ को उच्च विन्दु समातेको थियो । उच्च विन्दु समाते पश्चात केही छिटो बजार घटेपनि पौने ३ बजेबाट शेयर बजारमा पुन खरिदकर्ताको आक्रामक उपस्थिति रहेको थियो ।

हिजो लघुवित्त र बीमा कम्पनीहरुमा केही करेक्सन देखिन खोजेपनि आज भने सो सेक्टरले पुन बुलिश प्रवृत्ति देखाएको हाे । साल्ट ट्रेडिङ्गको शेयर मूल्यमा वृद्धि देखिएसंगै ट्रेडिङ्ग उपसुचकमा आज सर्वाधिक ५ दशमलव ९ प्रतिशतको वृद्धि देखियो ।

लघुवित्त कम्पनीहरुमा लगानीकर्ता आकर्षित हुँदा लघुवित्त उपसुचकमा ३ दशमलव ५४ प्रतिशतको वृद्धि देखियो ।  निर्जीवन बीमा कम्पनीहरुको उपसुचकमा २ दशमलव ६६ प्रतिशतको वृद्धि देखिएको छ भने जीवन बीमा कम्पनीहरुको उपसुचकमा १ दशमलव ४६ प्रतिशतको वृद्धि देखिएको छ ।

आज पनि सर्वाधिक कमाउनेमा लघुवित्त कम्पनीहरुको नै दबदबा रह्यो । सर्वाधिक कमाउने १० कम्पनीको सुचीमा ८ वटा लघुवित्त कम्पनीका शेयर रहेका छन् । नेपाल सेवा लघुवित्तका शेयरधनीले सर्वाधिक ९ दशमलव ९८ प्रतिशतले कमाए ।

हेरौं सर्वाधिक कमाउने ५ कम्पनी:

सर्वाधिक गुमाउनेको सुचीमा सबैभन्दा माथि युनिलिभर नेपाल लिमिटेड रहेको छ । युनिलिभरको शेयर मूल्य १८ हजार २ सय ६१ मा कारोवार बन्द भएको छ ।

हेरौं सर्वाधिक गुमाउने ५ कम्पनी: 

नेपाल बंगलादेश बैंकको संस्थापक शेयर सर्वाधिक खरिदबिक्री भएको छ । नेपाल बंगलादेश बैंकको ६ करोड ४१ लाखको सस्थापक शेयर खरिदबिक्री भएको छ । आज मात्र लाभांश प्रस्ताव गरेका लुम्बिनी विकास बैंक र डिप्रोक्स लघुवित्तको पनि सर्वाधिक कारोवार हुने कम्पनीको सुचीमा टप ५ मा पर्न सफल भएका छन् ।

प्राविधिक विश्लेषण:

प्रतिरोध :  ११६६                                                          टेवा : ११५५

• आज नेप्सेमा खरिदकताको चाप रहेको देखिन्छ । कारोबार भने अघिल्लो कारोबार दिनभन्दा बढेको छ ।
• अन्तिम दिन “बुलिस” मैनबत्ती आकृति बनाएको छ । यसले बजारमा खरिदकर्ताको चाप भएको जानकारी गर्दछ ।
• दैनिकी अवधिमा “आरएसआई” ७० दशमलब ४५ को बिन्दुमा छ । आरएसआईले बजारमा शेयर बढी खरिद हुन थालेको जानकारी गराउंदछ ।
• “एडिएक्स” माग बढी रहेको जनाउनुको साथै जोड र बिजोड “डाइरेक्सनल इन्डेक्स” हरुले पनि सोहि कुरा संकेत गरेको छ ।
• “अन ब्यालेन्स भल्यूम” ले बजारमा खरिदकर्ताको चाप रहेको संकेत गरेको छ ।
• नेप्से बढेमा पहिलो प्रतिरोध ११६६ मा पाउने देखिन्छ र घटेमा पहिलो टेवा ११५५ मा पाउने देखिन्छ ।