बीमा कम्पनीहरु जसरी बढे त्यसरी घट्न खोज्दा ! नेप्सेमा बुल आउँन वाणिज्य बैंक नै बढ्नु पर्ने देखियो

३० मंसिर, काठमाडाैं । लगातार ८ दिनदेखि वृद्धि भएको बजारमा हिजो जस्तै आज पनि लगानीकर्ताहरु खुशी बन्न सकेनन । नेप्से परिसूचकमा दोहोरो अंकको गिरावट आएको छ । साताको दोश्रो कारोवार दिन नेप्से परिसूचक १३ दशमलव ७५ अंकले घट्दै ११५४ दशमलव ११ को विन्दुमा दोश्रो बजार बन्द भएको छ ।

निरन्तर ८ दिनदेखि वृद्धि भएको बजारमा बीमा कम्पनी र लघुवित्तका शेयर मूल्य चम्किएका थिए । नेप्से परिसूचकलाई ड्राईभ गर्ने मुख्य उपसुचक वाणिज्य बैंकको उपसुचकमा त्यति ठुलो वृद्धि आउँन सकेको थिएन । बजारमा दीर्घकालीन बुल आउँन वाणिज्य बैंकको शेयर मुल्यमा उछाल आउनु पर्ने देखिन्छ ।

कारोवार रकम भने घटेको छ । कारोवार रकम हिजो भन्दा आज निकै कम हुँदै ४० करोड ७९ लाख पुगेको छ । आज १६६ कम्पनीका १३ लाख ७१ हजार कित्ता शेयर खरिदबिक्री भएको छ ।

बजार ११६७ दशमलव ८२ को विन्दुमा खुलेकोमा आजको बजारको न्यून विन्दु ११५३ दशमलव २४ थियो । बजारले न्यून विन्दु २ बजेर ५७ मिनेटमा समातेको थियो । ११ बजेर २८ मिनेटमा बजारले ११७० दशमलव ५७ को उच्च विन्दु समातेको थियो ।

हिजो जस्तै बजारको उच्च विन्दु सुरुवाती चरणमा रहेको र न्यून विन्दु अन्तिम समयमा रहेको छ । यस खालको प्रवृत्तिलाई त्यति सकारातमक प्रवृत्ति मानिदैन ।

बजारको न्यून विन्दु र बजार बन्द हुँदाको विन्दु एकै जस्तो रहेको छ । यसलाई ईण्ट्राडे लो भनिन्छ। “इण्ट्राडे लो” लाई कारोवारीहरुले त्यति राम्रो प्रवृत्ति मान्दैनन ।

आज कुनै पनि उपसुचकमा वृद्धि देखिएन । निर्जीवन बीमा कम्पनीहरुको उपसुचकमा सर्वाधिक ३ दशमलव ६८ प्रतिशतको गिरावट देखिएको छ भने दोश्रोमा जीवन बीमा कम्पनीहरुको उपसुचकमा सर्वाधिक २ दशमलव ४२ प्रतिशतको गिरावट देखिको छ । नेपाल टेलिकमको शेयर मूल्य २ दशमलव ८८ प्रतिशतले घटे संगै अन्य उपसुचकमा पनि २ दशमलव १६ प्रतिशतको गिरावट देखिएको हाे ।

दिब्यश्वरी हाईड्रोपावरका शेयरधनीले सर्वाधिक ५ दशमलव ४५ प्रतिशतले कमाए भने दोश्रोमा युनियन हाईड्रोपावरका शेयरधनीले ५ प्रतिशतले कमाए ।

हेरौं सर्वाधिक कमाउने ५ कम्पनी:

सर्वाधिक गुमाउनेको सुचीमा सबैभन्दा माथि हिमालयन पावर पार्टनर रहेको छ । हिमालयन पावर पार्टनरको बजार मूल्य ९ दशमलव ४९ प्रतिशतले घटेको छ ।

हेरौं सर्वाधिक गुमाउने ५ कम्पनी:

आज पनि एनएमबी बैंकको शेयर सर्वाधिक खरिदबिक्री भएको छ । एनएमबी बैंकको ४ करोड ५६ लाखको शेयर खरिदबिक्री भएको छ ।

प्राविधिक विश्लेषण: