शेयर बजारमा चहलपहल कम, आपूर्ती बढीरहेको संकेत

२ पुष, काठमाडाैं । साताको चौथो कारोवार दिन नेप्से परिसूचक ३ दशमलव ३० अंकले घटेर ११५२ दशमलव ०७ को विन्दुमा दोश्रो बजार बन्द भएको छ । अघिल्लो साता शेयरबजारमा केही राम्रो चहलपहल भएपनि यो साता भने बजार पुन सुस्ताएको छ ।

कारोवार रकम भने सामान्य बढेको छ । कारोवार रकम हिजोभन्दा आज थोरै बढेर २९ करोड ४७ लाख पुगेको छ । आज १६५ कम्पनीका ९ लाख ४७ हजार कित्ता शेयर खरिदबिक्री भएको छ । आज ट्रेडिङ्ग उपसुचक बाहेक कुनैपनि उपसुचकमा १ प्रतिशत माथिको वृद्धि देखिएन । आज ट्रेडिङ्ग उपसुचक सर्वाधिक ३ दशमलव ७४ प्रतिशतको वृद्धि देखिएको छ । वाणिज्य बैंकहरुको उपसुचकमा आज शुन्य दशमलव १७ प्रतिशतको गिरावट देखिएको छ ।

आज ट्रेडिङ्ग , विकास बैंक र अन्य उपसुचकमा मात्र वृद्धि देखिएको छ । होटल कम्पनीहरुको उपसुचकमा सबै भन्दा धेरै २ दशमलव ४२ प्रतिशतको गिरावट आएको छ ।

आज बजारको खुला विन्दु ११५५ दशमलव ३३ रहेकोमा बजारको न्यून विन्दु ११५० दशमलव १४ थियो । बजारले न्यून विन्दु १ बजेर ५४ मिनेटमा समातेको थियो ।

बजारले ११ बजेर ४५ मिनेटमा ११५८ दशमलव १५ को उच्च विन्दु समातेको थियो । उच्च विन्दु समातेबाट नै बजारले माथिल्लो दिशा समात्न सकेको थिएन । आजको बजारमा बिक्री चाप नै रहेको प्रस्ट देख्न सकिन्छ ।

विशाल बजार कम्पनीका शेयरधनीले सर्वाधिक ९ दशमलव ९९ प्रतिशतले कमाए भने दोश्रोमा नेपाल फाईनान्सका शेयरधनीले ९ दशमलव ५६ प्रतिशतले कमाए ।

हेरौं सर्वाधिक कमाउने ५ कम्पनी:

सर्वाधिक गुमाउनेको सुचीमा सबैभन्दा माथि नेपाल सेवा लघुवित्त रहेको छ । नेपाल सेवा लघुवित्तको बजार मूल्य ७ दशमलव ६९ प्रतिशतले घटेको छ ।

हेरौं सर्वाधिक गुमाउने ५ कम्पनी:

आज पनि एनएमबी बैंकको शेयर सर्वाधिक खरिदबिक्री भएको छ । एनएमबी बैंकको ४ करोड ९० लाखको शेयर खरिदबिक्री भएको छ । आज ४ वटा कम्पनीको मात्र १ करोड माथिको शेयर खरिदबिक्री भएको छ । १ करोडमाथि कारोवार हुने कम्पनीमा एनएमबी बैंक, नेपाल बैंक, नबिल बैंक, साल्ट ट्रेडिङ्ग कर्पोरेशन रहेका छन् ।

प्राविधिक विश्लेषण:

पहिलो प्रतिरोध : ११५८                                            पहिलो टेवा : ११५०

• आज पनि नेप्सेमा उतारचढाब कम रहेको छ । अघिल्लो कारोबार दिनभन्दा आजको कारोबार बढे पनि  १ करोड ५४ लाखको मात्र बृद्धि रहेको छ ।
• आजको मैनबत्ती बिश्लेषण अनुसार बजारमा माग र आपूर्ती लगभग बराबर अवस्थामा नै रहेको जानकारी गर्दछ ।
• दैनिकी अवधिमा “आरएसआई” ५७ दशमलब २६ को बिन्दुमा छ । आरएसआई अक्सिलेटरले बजार हालसम्म सकारात्मक क्षेत्रमा नै रहेको जानकारी गराएको छ ।
• “एडिएक्स” तथा जोड र बिजोड “डाइरेक्सनल इन्डेक्स” हरुले आपूर्ती बढीरहेको संकेत गरेको छ ।
• “अन ब्यालेन्स भल्यूम” ले बजारमा विक्रेता बढेको संकेत गरेको छ ।
• नेप्से बढेमा पहिलो प्रतिरोध ११५८ मा पाउने देखिन्छ र घटेमा पहिलो टेवा ११५० को क्षेत्रमा पाउने देखिन्छ ।