आमाको ट्रेलर सार्वजनिक

४ पुस काठमाडौं । नेपालको पहिलो फिल्म ‘आमा’को नाम सापटी लिदै निर्माण गरिएको तेस्रो फिल्मको ट्रेलर सार्वजनिक भएको छ । बिहिबार काठमाडौंमा एक कार्यक्रम आयोजना गर्दै फिल्मको ट्रेलर सार्वजनिक गरिएको हो ।

दिपेन्द्र के. खनालले निर्देशन गरेको फिल्म ‘आमा’ को मुख्य भूमिकामा मिथिला शर्मा र छोरीको भूमिका नायिका सुरक्षा पन्तले निभाएकी छन् । उनीहको साथै फिल्ममा देशभक्त खनाल, सरिता गिरी लगायत कलाकारको अभिनय रहेको छ । फिल्ममा आमाको महत्व र मायालाई देखाइएको छ ।

शर्मिला पाण्डेको लगानी रहेको फिल्मको कथा र छायांकन निर्देशक खनालकै रहेको छ । यो फिल्म फागुन ९ गते देखि प्रर्दशन हुँदैछ ।