यस बर्ष राजकुमार ह्यारी र मेगनले क्रिसमस क्यानडामा मनाउने

५ पुस एजेन्सी । बेलायतका राजकुमार ह्यारी र उनकी श्रीमती मेगन मार्केलले यस बर्षको क्रिसमस पर्व क्यानाडामा मनाउने भएका छन् ।

क्रिश्चियन धर्मावलम्बीहरुको सवैभन्दा ठूलो पर्व मानिने क्रिसमसको अवसरमा पर्व विदा लिएर उनीहरु क्यानडा जान लागेका हुन् । सुरक्षाको कारण र निजी भ्रमण भएकाले उनीहरुको भ्रमणका बारेमा विस्तृत विवरण भने सार्वजनिक नगरिएको दरबार श्रोतले जनाएको छ ।

उनीहरुले यसलाई “गोपनीयताको सम्मान”का रुपमा पनि व्याख्या गरेका छन् । उनीहरु यसअघि पनि बेला बेलामा क्यानाडा जाने गरेको र त्यसैको निरन्तरता स्वरुप यो भ्रमण हुन लागेको बताइएको छ ।