शिवम सिमेण्ट्सले आजको बजार तताउँदा, अरु के भयो ?

६ पुष, काठमाडाैं । साताको पहिलो कारोवार दिन नेप्से परिसूचक १ दशमलव १७ अंकले वृद्धि भएर ११५० दशमलव ८१ को विन्दुमा दोश्रो बजार बन्द भएको छ ।

अघिल्लो कारोवार दिन बिहीबार एनएमबी बैंकको १२ करोड माथिको कारोवार भएसंगै कारोवार रकम बढेकोमा आज भने कारोवार रकम केही घटेको छ । आज १६७ कम्पनीका १४ लाख ८८  हजार कित्ता शेयर खरिदबिक्री भएको छ । दिनभरिमा ३७ करोड ४४ लाख बराबरको शेयर खरिदबिक्री भएको छ ।

शिवम सिमेण्ट्सको बजार मूल्य सर्वाधिक वृद्धि भए संगै उत्पादन तथा प्रशोधन कम्पनीहरुको उपसुचकमा सर्वाधिक वृद्धि देखिएको छ । उत्पादन तथा प्रशोधन कम्पनीहरुको उपसुचकमा ३ दशमलव २६ प्रतिशतको वृद्धि देखिएको छ ।

आज होटल, विकास बैंक, उत्पादन तथा प्रशोधन,अन्य, माईक्रोफाइनान्स र म्युचअल फण्ड उपसुचकमा वृद्धि देखिएको छ । आज ट्रेडिङ्ग कम्पनीहरुको उपसुचकमा सर्वाधिक १ दशमलव ८५ प्रतिशतको गिरावट देखिएको छ ।

आज बजारको न्यून विन्दु ११४७ दशमलव ६७ थियो । बजारले न्यून विन्दु ११ बजेर ५४ मिनेटमा समातेको थियो । बजारले ११ बजेर २७ मिनेटमा ११५१ दशमलव ३७ को उच्च विन्दु समातेको थियो ।

बजारले न्यून विन्दु समाते पश्चात भने विस्तारै खरिदकर्ताको उपस्थिति आउँन थालको आजको ग्राफबाट देख्न सकिन्थ्यो ।

शिवम सिमेण्ट्सका शेयरधनीले सर्वाधिक ९ दशमलव ७६ प्रतिशतले कमाए भने सर्वाधिक गुमाउनेको सुचीमा सबैभन्दा माथि नेपाल फाइनान्स लिमिटेड रहेको छ । नेपाल फाइनान्स लिमिटेडको बजार मूल्य ९ दशमलव ८१ प्रतिशतले घटेको छ ।

हेरौं सर्वाधिक कमाउने ५ कम्पनी:

हेरौं सर्वाधिक गुमाउने ५ कम्पनी:

आज शिवम सिमेण्ट्सको शेयर सर्वाधिक खरिदबिक्री भएको छ । शिवम सिमेण्ट्सको ४ करोड ७६ लाखको शेयर खरिदबिक्री भएको छ । आज ७ वटा कम्पनीको मात्र १ करोड माथिको शेयर खरिदबिक्री भएको छ । १ करोड माथि कारोवार हुने कम्पनीमा शिवम सिमेण्ट्स, एनएमबी बैंक, नेपाल बैंक, नबिल बैंक, नेपाल क्रेडिट एण्ड कमर्स बैंक, सूर्या लाईफ इन्स्योरेन्स र ज्योति विकास बैंक सस्थापक शेयर रहेका छन् ।

प्राविधिक विश्लेषण:

पहिलो प्रतिरोध : ११५५ पहिलो टेवा : ११४८

• प्राविधिक बिश्लेषण अनुुसार नेप्से हाल बलियो टेवा क्षेत्रमा रहेको छ । आज बजारमा उतारचडाब कम रहेको र अघिल्लो कारोबार दिनभन्दा आजको कारोबार घटेको छ ।
• आजको बजारले “डोजी” मैनबत्ती आकृति बनाएको छ । यसले बजारमा माग र आपूर्ती दुबै कम रहेको जानकारी गराएको छ ।
• दैनिकी अवधिमा “आरएसआई” ५६ दशमलब १७ को बिन्दुमा छ । आरएसआई अक्सिलेटर हाल तटस्थ क्षेत्रभन्दा माथि रहेको छ ।
• जोड र बिजोड “डाइरेक्सनल इन्डेक्स” हरुले आपूर्ती बढीरहेको संकेत गरेको छ भने “एडिएक्स”ले भने क्रेताको चाप त्यति घटेको देखिन्दैन ।
• “अन ब्यालेन्स भल्यूम” ले बजारमा विक्रेता बढेको संकेत गरेको छ ।
• नेप्से बढेमा पहिलो प्रतिरोध ११५५ मा पाउने देखिन्छ र घटेमा पहिलो टेवा ११४८ को क्षेत्रमा पाउने देखिन्छ ।