गृह भन्छन्, सूर्य ग्रहणका दिन सार्वजनिक विदा छैन

१० पुस काठमाडौं । पौष कृष्ण औँसीका दिन बिहीबार खण्डग्रास सूर्यग्रहण लागेको छ । आजका दिन सूर्य ग्रहणका दिन सार्वजनिक विदा नहुने गृह मन्त्रालयले जनाएको छ।

यसअघिका सूर्य ग्रहणमा सार्वजनिक विदा दिने गरिएको भएपनि यस पटक विदा दिने निर्णय नभएको गृह मन्त्रालयका सह–सचिव तथा प्रवक्ता केदारनाथ शर्माले बताए । प्रवक्ता शर्माले भने, “सामाजिक सञ्जाल र कतिपय मिडियामा सार्वजनिक विदा भनेर आएका सूचनाहरु गलत हुन्, आज सूर्य ग्रहणका दिन सरकारले सार्वजनिक विदा दिने कुनै निर्णय गरेको छैन।”

खण्डग्रास सूर्य ग्रहणलाई मध्यनजर गर्दै गृहमन्त्रालयले बिहीबार सार्वजनिक विदा दिने तयारी गरेको थियो। बिहीबार सार्वजनिक विदा दिने प्रस्ताव गृहसचिव प्रेमकुमार राईकहाँ पुगेको थियो। तर अन्तिम अवस्थामा फेरि गृहमन्त्रालयले सार्वजनिक विदा दिएन।