अब खटाएको ठाउँमा नगए कारबाही

११ पुस काठमाडौं । संघीय मामिला तथा सामान्य प्रशासन मन्त्रालयले प्रदेश र स्थानीय तहमा समायोजन भएर पनि विभिन्न कारणले संघमै कार्यरत कर्मचारीलाई एक साताभित्र खटाएको ठाउँमा नगए कारबाही गरिने जनाएको छ ।

मन्त्रालयले राष्ट्रपतिको कार्यालय, उपराष्ट्रपतिको कार्यालय, प्रधानमन्त्री तथा मन्त्री परिषदको कार्यालय, सबै मन्त्रालय, विभाग र आयोग लगायत संघ अन्तर्गतका निकायलाई पत्र लेख्दै सात दिनभित्र कर्मचारीलाई प्रदेश र स्थानीय तहमा पठाउन निर्देशन गरेको हो ।

मन्त्रालयले यस विषयमा अनुगमन गर्ने र रमाना नदिने र हाजिर हुन नजाने कर्मचारीलाई समायोजन ऐन २०७५ अनुसार कारबाही गर्ने चेतावनी दिएको समाचार नागरिक दैनिकमा छापिएको छ ।