उमा भुजेलसहित विप्लव नेतृत्वका ९ जना नेता कार्यकर्ता पक्राउ

१२ पुष, मोरङ । विप्वल नेतृत्वको नेपाल कम्युनिष्ट पार्टीकी केन्द्रीय सदस्य उमा भुजेलसहित ९ जनालाई प्रहरीले गिरफ्तार गरेको छ ।

मेची-कोशी ब्युरो ईन्चार्जसमेत रहेकी उमा भूजेल र मोरङ इन्चार्ज नरेश चौलागाई, ब्यूरो कार्यालय सचिव सुमन सिंहसहित ९ जनालाई प्रहरीले गिरफ्तार गरेको हो । उनीहरुलाई सुनसरीको चकरघट्टीबाट शनिबार बिहान र मोरङको सोमबारेबाट शुक्रबार पक्राउ गरिएको प्रहरीले जनाएको छ ।

क्षितिज पौडेल,नवराज नेपाल, दिपक आचार्य, जगत बहादुर पुलामी र गोविन्द कार्कीलाई पनि पक्राउ गरिएको प्रहरीले जनाएको छ । उनीहरु सबैलाई जिल्ला प्रहरी कार्यालय मोरङको हिरासतमा राखिएको छ ।