शाखारहित बैकिङ्ग सेवा विस्तारमा सेञ्चुरी बैंक

१६ पुष, काठमाडौं । कान्छो वाणिज्य बैंकको पहिचान बनाएको सेञ्चुरी कमर्सियल बैंक लिमिटेडले पछिल्ला दिनहरुमा शाखारहित बैंकिङ सेवा विस्तार गरिरहेको छ । बैंकले आफ्नो दायरा विस्तार गर्ने र ग्राहकवर्गहरुको सेवामा थप सुधार गर्दै जाने बताएको छ । सोही अनुरुप बर्दिबास नगरपालिका – ३, पाटु, महोत्तरीबाट शाखारहित बैंकिङ्ग सेवा सुरु गरेको छ ।

बैंकका प्रदेश २ प्रमुख सौरभ चौधरी तथा बर्दिबास नगरपालिका–३ का अध्यक्ष राजनप्रसाद ढुङ्गगानाले सयुक्त रूपमा एक समारोहका विच बर्दिबास, पाटुमा शाखारहित बैंकिङ्गको सुरुवात गरेका छन् । गंगाबहादुर कार्कीलाई प्रतिनिधी तोकेर ट्याव मेसिन हस्तान्तरण गरिएको छ ।

उद्घाटन पश्चात् बैंकले काठमाडौं उपत्यकामा १३ शाखाहरु र ७ वटा एक्स्टेन्सन काउन्टर र उपत्यका बाहिर १०० शाखाहरु र ३ वटा एक्स्टेन्सन काउन्टर साथै १५ वटा शाखारहित बैंकिङ्ग गरी जम्मा १३८ स्थानबाट कारोबार सञ्चालन गरिरहेको छ । अन्य जानकारीका लागि बैकको वेबसाइट www.centurybank.com.np तथा बैकका शाखा कार्यालयहरुमा सम्पर्क राख्न बैंकले अनुरोध गरेको छ ।