मौसम बदलीसंगै वर्षा र हिमपातको संभावना

१७ पुस काठमाडौं । जल तथा मौसम विज्ञान विभाग मौसम पूर्वानुमान महाशाखाले मौसम बदलीसंगै वर्षा र हिमपातको संभावना रहेको जनाएको छ । महाशाखाले चिसो रही रहने हुनाले सतर्कता अपनाउन अनुरोधसमेत गरेको छ ।

वरिष्ठ मौसमविद् राजु प्रधानांगले देशैभर मौसम बदली भइरहेको बताए । मौसममा बदली बइरहँदा न्यूनतम तापक्रम बढिरहेको उनले बताए । काठमाडौंमा पनि सामान्य बदली भइरहेको छ । बुधबारको काठमाडौंके न्यूनतम तापक्रम २.५ डिग्री सेल्सियस रहेकामा बिहीबार ५ः३० बजे ४.५ डिग्री सेल्सियस रहेको थियो ।

प्रधानांगले पश्चिम न्यून चापिय प्रभाव रहेको र यो शनिबारसम्म रहने बताए । बिहीबार हिमाली र उच्च पहाडी भेकमा हिमपातको सम्भावना, पश्चिम र तराईका भेकमा वर्षाको सम्भावना रहेको छ ।

पश्चिमी वायुको प्रभावले हुस्सू र कुहिरो तराईबाट हटेर जाने प्रधानांगले जनाएका छन् । उनले भने, ‘केही दिनपछि यो प्रभाव कमजोर भएर जानेछ । शनिबारसम्म प्रभाव रहने छ ।

आगामी तीन दिनको मौसम पूर्वानुमान 

पौष १७  गते (बिहिबार)
दिउँसो : देशभर  सामान्य बदली रहि उच्च पहाडि तथा हिमालि भु-भागका अधिकांश स्थानहरुमा हल्का देखि मध्यम हिमपात र पश्चिम तथा मध्यका केहि स्थानहरुमा हल्का देखि मध्यम  वर्षाको तथा पूर्वका एक वा दुई स्थानहरुमा हल्का वर्षाको संभावना रहेको छ ।

राती : देशभर  सामान्य बदली रहि केहि स्थानहरुमा हल्का देखि मध्यम  वर्षाको संभावना रहेको देखिन्छ । उच्च पहाडि तथा हिमालि भु-भागमा हल्का देखि मध्यम  हिमपातको सम्भावना देखिन्छ ।

 पौष १८  गते (शुक्रबार)
दिउँसो :देशभर  सामान्य बदली रहि उच्च पहाडि तथा हिमालि भु-भागमा मध्यम देखि भारी  हिमपात र पहाडि तथा तराईका केहि स्थानहरुमा हल्का देखि मध्यम  वर्षाको संभावना रहेको छ ।

राती : देशभर  सामान्य बदली रहि उच्च पहाडि तथा हिमालि भु-भागमा मध्यम देखि भारी  हिमपात र पहाडि तथा तराईका केहि स्थानहरुमा हल्का देखि मध्यम  वर्षाको संभावना रहेको छ ।

पौष १९  गते (शुनिबार)
दिउँसो :देशभर  सामान्य बदली रहि उच्च पहाडि तथा हिमालि भु-भागमा हल्का देखि मध्यम  हिमपात र पहाडि तथा तराईका थोरै स्थानहरुमा हल्का देखि मध्यम  वर्षाको संभावना रहेको छ ।

राती : देशभर  सामान्य बदली रहि उच्च पहाडि तथा हिमालि भु-भागमा मध्यम देखि भारी  हिमपात र पहाडि तथा तराईका थोरै स्थानहरुमा हल्का देखि मध्यम  वर्षाको संभावना रहेको छ ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):– मौसम बदलि संगै वर्षा/हिमपातको संभावना रहेको र चिसो रही रहने हुनाले सतर्कता अपनाउन अनुरोध छ ।