राष्ट्रियसभा उम्मेद्वारको नाम टुंगो लगाउने जिम्मा पदाधिकारीलाई

१७ पुस काठमाडौं । प्रमुख बिपक्षी दल नेपाली कांग्रेसले राष्ट्रियसभा सदस्यको उम्मेद्वारको नाम टुंगो लगाउने जिम्मा पदाधिकारीलाई दिएको छ ।

राष्ट्रियसभामा पठाउने उम्मेदवार चयन गर्न पार्टी केन्द्रीय मुख्यालय सानेपामा बिहीबार बसेको केन्द्रीय कार्यसमिति बैठकले उम्मेदवार चयनको जिम्मा पदाधिकारीलाई दिने निर्णय गरेको हो ।

बैठकमा कांग्रेस महामन्त्री पुर्ण बहादुर खड्काले सो प्रस्ताव राखेका थिए । पुस ११ गतेको केन्द्रीय समितिको बैठकको निर्णयप्रति असहमति जनाउँदै पौडेल पक्षले केन्द्रीय समिति बैठक बहिष्कार गर्दै आएको छ । तर आजको बैठकमा उपस्थित नभए पनि पौडेल समूहसंगको छलफलपछि पदाधिकारीलाई जिम्मा दिने निर्णय गरिएको हो ।

राष्ट्रियसभाको उम्मेदवारी मनोनयन पुस २० गते र चुनाव माघ ९ गतेलाई तय गरिएको छ । बैठकले उखुकिसानको माग छिटो भन्दा छिटो पुरा गर्न सरकारको ध्यानाकर्षण समेत गराएको प्रवक्ता विश्व प्रकाश शर्माले बताए ।

सूचना प्रविधी सम्बन्धी बिधेयक तथा नेपाल बिशेष सेवा समबन्धी बिधेयकका बिरुद्ध दृढतापूर्ण उभिने निर्णय पार्टीले गरेको छ ।