नेकपाको सचिवालय बैठक बस्दै, राष्ट्रियसभाको उम्मेद्वार टुंगो लाग्ने

१८ पुस काठमाडौं । नेपाल कम्युनिष्ट पार्टी ‘नेकपा’को सचिवालय बैठक अहिले बिहान ८ बजे बालुवाटारमा बस्दैछ । बैठकले सातै प्रदेशको राष्ट्रियसभाको उम्मेद्वारको नामबारे टुंगो लगाउने बताइएको छ ।

यसअघि हिजो ‘बिहीबार’को बैठकले त्यसबारे छलफल गरेको थियो। राष्ट्रियसभाका १८ रिक्त पदका लागि आगामी माघ ९ गते निर्वाचन हुँदैछ। निर्वाचनका लागि पुस २० गते मनोनयन दर्ता गर्ने कार्यतालिका रहेको छ।

आजको बैठकमा सभामुखको नामबारे पनि टुंगो लगाउने प्रयास हुने एक नेताले बताए । सभामुखको विषयमा नेकपाले निर्णय गर्न नसक्दा संसदको बैठक पटक–पटक सूचना टाँस गरेर स्थगित हुँदै आएको छ। संसदको बैठक आगामी २७ गतेका लागि बोलाइएको छ।