उखु किसान र सरकारबीच पाँचबुँदे सहमति

१८ पुस काठमाडौं । उखु किसान र सरकारबीच सहमति भएको छ । सरकार र आन्दोलनरत सर्लाहीका उखु किसानबीच शुक्रबार पाँचबुँदे सहमति भएको हो । उद्योगमन्त्री लेखराज भट्टको उपस्थितिमा भएको वार्तामा सरकारले तोकेको मूल्य दिने सहमति समेत भएको छ ।

किसानका समस्याहरु दिर्घकाली रुपमा समाधान गर्न र भएका समति कार्यान्वयन गर्न उद्योगमन्त्रालय सधै सकारात्मक भूमिका खेल्ने उद्योगमन्त्री लेखराज भट्टले बताए । उखु किसानहरुसँगको वार्तामा सरकारले आगामी माघ ७ गतेसम्ममा चिनी मिलहरुबाट डेढ अर्ब वक्यौता रकम भुक्तानी गराइसक्ने लिखित प्रतिवद्धता जनाएको छ । दुईवटा चिनी मिल मालिक राकेश अग्रवालले शुक्रबारै किसानको खातामा ५० लाख रुपैयाँ निकासा गरिसकेको जनाइएको छ ।

सरकारसँग भएको वार्तापछि किसान संघर्ष समितिका सचिच हरिशरण रायले हस्ताक्षर गरेका छन् भने सरकारकातर्फबाट उद्योग मन्त्रालयका सहसचिव दिनेश भट्टराईले हस्ताक्षर गरेका छन् । सबै वक्यौता रकम चिनी मिलहरुले माघ ७ गतेसम्म किसानलाई बुझाइसक्नुपर्ने रहेको छ ।