मुक्तिनाथ विकास बैंकद्धारा मृतकको ऋण मिनाहा र फिर्ता

२१ पुष, काठमाडौं । मुक्तिनाथ विकास बैंकले सामाजिक सुरक्षा कार्यक्रम अन्तर्गत बैंकको साना तथा लघुबैंकिङ्ग कार्यालय, दमौलीमा सदस्य रहेकी मोहोनी माया थापा मगरको मृत्यु भएकोले निजले उपभोग गरेको ऋणकाे साँवा र ब्याज बराबरको रकम मिनाहा र फिर्ता गरेको छ ।

उक्त रकम स्व. मोहोनी माया थापा मगरका श्रीमान भूपाल थापा मगरलाई बैँकको दमौली शाखाका शाखा प्रमुख उदयराज तिमिल्सिना, साना तथा लघुवैकिङ्क प्रमुख ध्रुवराज घिमिरे ,वडा सदस्य सुरबहादुर थापाले संयुक्त रुपमा प्रदान गरेका छन् ।

बैंकले साँवा र ब्याज बापतको रकम रु. ५४ हजार दुई सय अठहतर रुपैयाँ र काज किरिया खर्च पाँच हजार समेत गरी ५९ हजार दुई सय अठहतर रुपैयाँ बराबरको चेक हस्तान्तरण गरेको र तिर्न बाँकी रहेको कर्जा दुई लाख एघार हजार चार सय चालिस रुपैयाँ समेत मिनाहा गरिएको जनाएको छ ।