आगलागीपछि भाइरल भएको तस्विर

२३ पुस एजेन्सी । अस्ट्रेलियाको भ्रामक नक्सा र तस्बिर सामाजिक सञ्जालमा भाइरल भएको छ । डढेलोका कारण गम्भीर संकटमा रहेको नक्सा र तस्बिर सामाजिक सञ्जालका प्रयोगकर्ताले विनाशकारी डढेलोका बारेमा जानकारी दिने तथा सचेत गराउने उद्देश्यसहित नक्सा तथा तस्बिर प्रयोग गरेका छन् ।

गएको सेप्टेम्बर यता फैलिएको डढेलोका कारण कम्तिमा २५ जना र लाखौँ जनावरको मृत्यु भएको छ । दुई हजार भन्दा बढी घर ध्वस्त भएका छन् । गएको सप्ताअन्त परेको पानीका कारण केही राहत मिले पनि पुनः तापक्रम बढ्ने चेनावती दिइएको छ र ढडेलोले उग्र रुप लिने बताइएको छ ।

अग्निनियन्त्रकहरु त्यसका लागि तयारी अवस्थामा रहेको जनाइएको छ । चर्चित गायिकका रिहान्नासहितले सामाजिक सञ्जालमा सेयर गरेको एक तस्बिरमा अस्ट्रेलियाको अधिकांश भागमा आगो फैलिएको देखाइएको छ ।

तर सो तस्बिर कलाकार एन्थोनी हियरजीले एक महिनाको अवधिमा आगलागीको घटना भएको ठाउँको तथ्यांक संकलन गरेर त्यसलाई भिज्वलाइजेसन गरेर निर्माण गरेको तस्बिर हो ।