लघुवित्तका शेयरधनी मालामाल हुँदा बजारले १२०० लाई बलियो टेवा बनाएकै हो ?

२४ पुष, काठमाडाैं । साताको अन्तिम दिन नेप्से परिसूचकमा सामान्य अंकको वृद्धि देखिएको छ । दोश्रो बजार ३ दशमलव ५१ अंकले बढेको छ । सिभिल बैंकको २० करोड माथिको संस्थापक शेयर कारोवार भए संगै कारोवार रकम पनि वृद्धि हुँदै ८३ करोड ७० लाख पुगेको हाे । सो संस्थापक शेयरको कारोवारले गर्दा आज कारोवार रकम वृद्धि भएको तथ्यांक आएको हो ।

दोश्रो बजार परिसूचकमा ० दशमलव २९ प्रतिशतको वृद्धि देखिएको छ । दोश्रो बजार १२१३ दशमलव ११ को विन्दुमा बन्द भएको छ । आज १७७ कम्पनीका ३८ लाख ४९ हजार कित्ता शेयर खरिदबिक्री भएको छ । नेप्से परिसुचकले १२०० को विन्दु तोडेपछि बजारले १२०० लाई बलियो टेवा बनाउंदै अघि बढेको देखिन्छ ।

आज लघुवित्त कम्पनीहरुको उपसुचकमा सर्वाधिक ३ दशमलव ४९ प्रतिशतको वृद्धि देखियो । आज सर्वाधिक कमाउने १० कम्पनीको सूचीमा १० वटै लघुवित्त कम्पनीहरुको शेयर रहेका छन् ।

त्यस्तै निर्जीवन बीमा कम्पनीहरुको उपसुचकमा पनि २ दशमलव ०७ प्रतिशत को वृद्धि देखिएको छ । बजारलाई मुख्य ड्राइभ गर्ने वाणिज्य बैंकहरुको उपसूचकमा शुन्य दशमलव १३ प्रतिशतको गिरावट देखिएको छ । आज ट्रेडिङ्ग, विकास बैंक, निर्जीवन बीमा, लघुवित्त र जीवन बीमा उपसुचकमा मात्र वृद्धि देखिएको छ ।

बजारले उच्च विन्दु बजार १२ बजेर ४० मिनेट जाँदा समातेको थियो । बजारको आजको उच्च विन्दु १२१६ दशमलव २३ थियो । बजारले न्यून विन्दु ११ बजेर ५२ मिनेटमा समातेको थियो । आज बजारको न्यून विन्दु १२०६ दशमलव ५० रहेको छ ।

आज स्वाभिमान लघुवित्तको शेयर मूल्य सर्वाधिक १० प्रतिशतले वृद्धि भएको छ । सर्वाधिक गुमाउनेको सुचीमा सबैभन्दा माथि रिलायन्स फाईनान्स रहेको छ । रिलायन्स फाईनान्सको बजार मूल्य ५ दशमलव ७३ प्रतिशतले घटेको छ ।

हेरौं सर्वाधिक कमाउने ५ कम्पनी:

हेरौं सर्वाधिक गुमाउने ५ कम्पनी:

सिभिल बैंकको संस्थापक शेयर सर्वाधिक खरिदबिक्री भएको छ । सिभिल बैंकको २० करोड १८ लाख बराबरको संस्थापक को शेयर खरिदबिक्री भएको छ ।

प्राविधिक विश्लेषण:

पहिलो प्रतिरोध : १२२४ पहिलो टेवा:  १२०६

• हाल नेप्से गत ६ सातादेखि बढ्दो प्रवृत्तिमा रहेको छ र आज बजारमा लगानीकर्ता अन्योल अवस्थामा रहेको देखिन्छ ।
• आजको मैनबत्तीले बजारमा उतारचढाव कम रहेको देखिन्छ ।
• दैनिकी अवधिमा “आरएसआई” ७३ दशमलब ८५ को बिन्दुमा छ । आरएसआईले बजारमा बढी खरिद भएको जनाएको छ ।
• “एडिएक्स”ले खरिदकर्ताको हालसम्म चाप रहेको जानकारी गराएको छ ।
• नेप्सेको प्रवृत्तिलाई “अन ब्यालेन्स भल्यूम” ले  समर्थन गरेको छ ।
• नेप्से बढेमा पहिलो प्रतिरोध १२२४ को क्षेत्रमा पाउने देखिन्छ र घटेमा पहिलो टेवा १२०६ को क्षेत्रमा पाउने देखिन्छ ।