आज नेप्सेमा आएको बृद्धि किन छ बलियो ? बजारले कतिको प्रतिरोध तोड्नु बाँकी ?

१ माघ ,काठमाडाैं । तेश्रो त्रैमासको पहिलो दिन बजारलाई मुख्य ड्राईभ गर्ने वाणिज्य बैंकहरुको उपसुचकमा २ दशमलव ४३ प्रतिशतको वृद्धि भएसंगै आज नेप्से परिसूचकमा २० दशमलव ८५ अंकको वृद्धि देखिएको छ ।

बजार परिसूचक नेप्से आज १ दशमवल ६५ प्रतिशतले वृद्धि भएको छ । बजार १२८४ दशमवल २३ को विन्दुमा बन्द भएको छ । कारोवार रकम ९० करोड ४८ लाख पुगेको छ । आज १७७ कम्पनीका ३० लाख ५५ हजार कित्ता शेयर खरिदबिक्री भएको छ ।

प्रतिफल र बजार मुल्यको आधरमा अण्डर भ्यालुड देखिएको वाणिज्य बैंकमा आज उछाल आएको कारणले गर्दा आजको बजारको वृद्धिलाई सकारात्मक र बलियो रुपमा लिइएको छ ।

आज होटल, उत्पादन तथा प्रशोधन र अन्य उपसुचकमा मात्र गिरावट देखिएको छ । आज ट्रेडिङ्ग कम्पनीको उपसुचकमा सर्वाधिक ८ दशमलव १८ प्रतिशतको वृद्धि देखिएको छ ।

आज बजारको उच्च विन्दु १२८७ दशमलव २० रहेको छ । आज बजारले २ बजेर ४२ मिनेटमा उच्च विन्दु समातेको थियो । आज बजारको न्यून विन्दु र खुला विन्दु समान १२६३ दशमलव ३३ रहेको छ । यो प्रकारको प्रवृत्तिलाई राम्रो मानिन्छ । आज बजार खुलेबाट नै घट्न मानेको थिएन ।

आज एनआईसी एसिया बैंकको शेयर सर्वाधिक ७ करोड ४० लाख बराबरको शेयर खरिदबिक्री भएको छ । सर्वाधिक कमाउनेको माथिल्लो सूचीमा विशाल बजार कम्पनी रहेको छ । विशाल बजार कम्पनीको बजार मूल्य ९ दशमलव ९८ प्रतिशतले वृद्धि भएको छ । त्यस्तै रैराङ्ग हाईड्रोपावरको बजार मूल्य सर्वाधिक ७ दशमवल २७ प्रतिशतले घटेको छ ।

प्राविधिक बिश्लेषण :

मुख्य प्रतिरोध : १२८५ पहिलो टेवा : १२५०

• हाल नेप्से गत ७ सातादेखि बढ्दो प्रवृत्तिमा रहेको छ र बजार पुन प्रतिरोध क्षेत्रमा रहेको देखिन्छ।
• आज नेप्सेले “बुलिस मारुबोजु” मैनबत्तीको चित्र बनाएको छ । यसले आज बजारमा क्रेताको चाप रहेको जानकारी गर्दछ ।
• दैनिकी अवधिमा “आरएसआई” ८२ दशमलब ४६ को बिन्दुमा छ । आरएसआईले बजारमा बढी खरिद भएको जनाएको छ ।
• “एडिएक्स” तथा जोड र बिजोड “डाइरेक्सनल इन्डेक्स”हरुले क्रेताको चाप रहेको जानकारी गराएको छ ।
• नेप्सेको प्रवृत्तिलाई “अन ब्यालेन्स भल्यूम” ले  समर्थन गरेको छ ।
• नेप्से बढेमा पहिलो प्रतिरोध १२८८ को क्षेत्रमा पाउने देखिन्छ र घटेमा पहिलो टेवा १२६० को क्षेत्रमा पाउने देखिन्छ ।