दश दिनमा नेपालमा रेल आउदैँ

६ माघ,काठमाडौं । भारतको जयनगरबाट धनुषाको कुर्थासम्म ३५ किलोमिटर लम्बाइकोमा सञ्चालनहुन लागेको रेल झण्डै १० दिनपछि भारत बाट हिड्ने भएको छ ।
भारतबाट हिँडेको झण्डै १० दिनमा नेपाल आइपुग्ने र यहँ आउन साथ सञ्चालनको तयारी अघि बढ्ने रेल विभागका महानिर्देशक बलराम मिश्रले बताए । फागुनसम्ममा रेल सञ्चालन गर्ने गरी तयारी अघि बढिरहेको उनको भनाइ छ । यहाँ केही समय पहिले नै रेलमार्ग सम्पन्न भएको थियो ।

सरकारले भारतीय कम्पनी कोनकान कम्पनीमार्फत रेल सेट खरीद प्रक्रिया अघि बढाएको थियो। सो रेल सेट आइपुगेको केही समयपछि सञ्चालन गर्न सकिने मिश्रले बताए । दुईवटा सेट खरीद गर्न लागिएकोमा पहिलो सेट आइपुगेको केही समयपछि अर्को आइपुग्ने उनको भनाइ छ ।
अहिले दुई वटा सेट खरीद गर्दा त्यसमा जम्मा १० डिब्बा रहन्छन् । यी दुई सेटको क्षमता एक हजार दुई सयसम्म यात्रु बोक्ने रहेको उनले बताए ।