सत्य निरुपण र बेपत्ता दुवै आयोगले पायाे पूर्णता

६ माघ, काठमाडौं । गत चैतदेखि पदाधिकारीविहीन रहेको सत्य निरुपण तथा मेलमिलाप आयोगको अध्यक्षमा डा. गणेशदत्त भट्ट र बेपत्ता पारिएका व्यक्तिको छानविन आयोगको अध्यक्षमा युवराज सुवेदी नियुक्त भएका छन् ।

यी दुबै आयोगका पदाधिकारीहरु सिफारिस गर्न गत चैतमा नै पूर्व प्रधानन्याधीश ओमप्रकाश मिश्रको नेतृत्वमा सिफारिस समिति बनाएको थियो । समितिले गएको शनिबार मात्र नाम सिफरिस गरेको थियो । त्यस पश्चात सोमबार बसेको मन्त्रिपरिषदको बैठकले दुबै आयोगको पदाधिकारी नियुक्त गरेको हो ।

स्रोतका अनुसार सत्य निरुपणको सदस्यहरुमा प्रचण्डराज प्रधान, गोविन्द गौतम, मन दाहाल र विष्णु पोखरेल नियुक्त भएका छन् । यस्तै वेपत्ता छानविन आयोगको सदस्यहरुमा विष्णु भण्डारी, सुनिल रञ्जन सिंह, गांगा अधिकारी र सरिता थापा मगर नियुक्त भएका छन् ।