मलेसियाको कारणले रेमिटेन्स घट्यो:-डेपुटी गर्भनर शिवाकोटी

७ माघ, काठमाडौं । नेपालको ठुलो अर्थतन्त्रको हिस्सा ओगटेको वैदेशिक रोजगारको क्षेत्र मध्य मलेसियाको रोजगारी केही समय रोकिएका कारण देशमा भित्रने रेमिट्यान्स घटेको नेपाल राष्ट्र बैंकका डेपुटी गर्भनर चिन्तामणि शिवाकोटीले बताएका छन् ।

कृषि विकास बैंकको ५३ औं बार्षिकोत्सव समारोहमा बोल्दै शिवाकोटीले वैदेशिक रोजगारीको प्रमुख गन्तव्य मलेसिया जाने कामदारमा आएको अबरोधका कारण रेमिट्यान्स घटेको भन्दै मलेसिया जाने क्रम सुरु भएसँगै बिस्तारै बढ्दै गएको बताएका हुन् । पछिल्लो चार महिनामा १४ हजार नेपाली मलेसिया गएको भन्दै बिस्तारै रेमिट्यान्स बढ्दै गएको शिवाकोटीले बताए ।

देशको आर्थिक घाटा निकै बढेको भन्दै नेपालको बजार भारत निहित रहेको हुँदा भारतमा तरकारीको मुल्य बढेका कारण नेपालको बजारमा तरकारीको मुल्य बढेको भएपनि सरकारको लक्ष्य भन्दा बाहिर बजारमा मुल्यवृद्धि नभएको हुदाँ यसमा आत्तिनुपर्ने अवस्था नरहेको उनको भनाई छ ।

सबै स्थानीय तहहरुमा बैंक जाने नीति अन्तर्गत हालसम्म ७ सय ४७ स्थानीय तहमा बैंकका शाखाहरुको पुगेको शिवाकोटीले बताए ।