एमसीसी परियोजना बिरुद्ध शनिवार काठमाडौमा विशाल विरोध प्रर्दशन हुने

९ माघ, काठमाडौं । अमेरिकी परियोजना (एमसीसी) विरुद्ध राजधानी काठमाडौंमा विशाल विरोध प्रर्दशन गरिने भएको छ । विकासे परियोजनाको नाममा नेपाल छिरेर अमेरिकी साम्राज्यवादले आफ्नो गतिविधि बढाउने चलखेल गर्न लागेको भन्दै राष्ट्रिय झण्डासहित विरोधसभा गरिने भएको हो ।

राष्ट्र र राष्ट्रियताको रक्षाका निम्ति राष्ट्रको अखण्डता जगेर्ना गर्न, मुलुकको सार्बभौमसत्ताको सुरक्षा गर्न मातृभुमि संरक्षण नेपालको आयोजनामा एमसीसी परियोजनाको विरुद्ध विरोध प्रदशर्न हुन लागेको हो । यहि माघ ११ गते शनिबार दिउँसो प्राचीन राजदरबार परिसर हनुमानढोका शिवपार्वती डबलीबाट एमसीसी परियोजनाको राष्ट्रघाती कदम रोक्न राष्ट्रिय झण्डासहित जुलुस निकाल्ने कार्यक्रम रहेको आयोजक संस्थाका संयोजक राजन महर्जनले जानकारी नेपालबहसलाई जानकारी दिएका छन् ।

कार्यक्रममा विभिन्न राष्ट्रवादी संघ र संस्था,देशभक्त नेपाली नागरिकको उपस्थिती रहने जनाइएको छ । शनिबार दिउँसो १ बजे हुने कार्यक्रममा एमसीसी परियोजनालाई संसदबाट पारित गर्ने नेपाल सरकारको कदम रोक्न आयोजना गरिएको कार्यक्रममा सहभागी हुन सबैमा आग्रह गरिएको छ । एमसीसी परियोजना विरुद्ध देशका विभिन्न स्थानमा विरोधसभा जारी छ्न् ।