डिसहोमद्वारा बिद्यार्थीहरुका लागि विशेष च्यानल ‘रिम्स’ को प्रसारण शुरु

९ माघ, काठमाडौं । चाहे मनोरञ्जन होस्, कुनै कुराको ज्ञान होस्, खेलकुद होस् या त्यो केही सिक्नको लागि होस्, डिसहोमले आफ्ना विभिन्न च्यानलहरु मार्फत दर्शकवर्गलाई अद्भुत दृश्य तथा मनोरञ्जनको अनुभव प्रदान गर्दै आइरहेको छ ।

आफ्ना ग्राहकलाई थप मनोरञ्जन दिने उद्देश्यले डिसहोम एककदम अगाडि बढ्दै एउटा विशिष्ट च्यानल रिम्स् मार्फत भोलिका कर्णधार बिद्यार्थीहरुको लागि आजको दिनमा रोमाञ्चक प्रारम्भिक शिक्षण आधार तयार पारेको छ । यो कार्यक्रम २ देखि १२ बर्षसम्मका बच्चाहरुको लागि अत्यन्तै अन्र्तक्रियात्मक च्यानल भएको डिसहोमको दावी छ ।

उक्त च्यानल नं. ८०९ मा यो च्यानल हेर्न सकिनेछ । यो च्यानलले बच्चाहरुले पढ्नको लागि आधार प्रदान गर्नुका साथै अंग्रेजी तथा गणित जस्ता विषयहरुको मात्र नभई विभिन्न मनोवैज्ञानिक सामाग्रीको माध्यमबाट दिमाग सुढृड बनाउन मद्दत गर्ने भनाई डिसहोमको छ । तसर्थ यो च्यालनले बच्चाहरुलाई घरमै बसेर सिक्न सक्ने एउटा उत्कृष्ट मञ्च प्रदान गर्नेछ ।

आफ्ना दर्शकहरुद्वारा पहिले नै उत्कृष्ट प्रतिक्रिया प्राप्त गरिसकेको डिसहोम यो च्यानलबाट पनि आफ्नो उद्देश्य पुरा गर्दै उत्कृष्ट हुनेछ भन्नेमा विश्वस्त रहेको बताइएको छ । डिसहोम नेपालमा रहेको अग्रणी डीटीएच सेवा प्रदायक कम्पनी हो, जसले थुपै्र डिजिटल एचडी च्यानलहरु उपलब्ध गराउँदै आइरहको छ ।