नेपाल एअरलाइन्सका २५ पाइलटद्वारा सामूहिक राजीनामा

१० माघ काठमाडौं । नेपाल एअरलाइन्सका २५ जना पाइलटले शुक्रबार सामूहिक राजीनामा दिएका छन् । सरकारले नेपाल भ्रमण वर्ष २०२० घोषणा गरी यो वर्ष २० लाख पर्यटक भित्र्याउने लक्ष्य लिएकै बेला सरकारी ध्वजावाहक नेपाल वायु सेवा निगमका २० जना अन्तराष्ट्रिय विमान चालकले भने सामुहिक राजीनामाको चेतावनी दिएका हुन् ।

सेवा सुविधा थोरै भएको भन्दै दुई २० जना विमान चालकले राजीनामा नोटिस भन्दै निगम समक्ष तीन महिनाको समय सीमा दिएका छन् । विदेशी र स्वदेशी पाइलटबीच सेवा सुविधामा ठूलो विभेद रहेको भन्दै उनीहरुले समान सुविधाको माग गरेका छन् ।

नेपाल भ्रमण वर्ष सफल बनाउन राष्ट्रिय ध्वजावाहकको महत्वपूर्ण भूमिका हुने अवस्थामा विमान चालकहरुले हिजो साँझ निगम व्यवस्थापन समक्ष सामुहिक राजीनामाको अल्टिमेटम दिएका हुन् ।

यसैबीच निजी क्षेत्रको लगानीमा सञ्चालित हिमालयन एयरलाइन्सले अन्तराष्ट्रिय सेक्टरका लागि ठूला जहाज ल्याउने तयारी गरिरहेका बेला निगममा कार्यरत पाइलटले राजीनामाको धम्की दिनु केवल संयोग मात्र हुन सक्छ । निगमका कार्यकारी अध्यक्ष मदन खरेलले भर्खरै मात्र पदबाट राजीनामा दिएका छन् । सरकारले निगमको अध्यक्षका रुपमा हाललाई पर्यटन तथा नागरिक उड्डयन मन्त्रालयका सचिब केदारबहादुर अधिकारीलाई तोकेको छ ।