कोरोना भाइरसले नेपालमा दुई जना संक्रमित

१३ माघ, काठमाडौं । चीनबाट फैलिएको कोरोना भाइरसले नेपालमा दुई जना संक्रमित भएका छन् ।

टेकुस्थित शुक्रराज ट्रपिकल तथा सरुवा रोग अस्पतालमा कोरोना भाइरस संक्रमणको आशंकामा उपचाररत एक पुरुषमा संक्रमण भएको पुष्टि भएको अस्पताल स्रोतले जनाएको छ । चीनबाट नेपाल आइपुगेका एक पुरुषमा कोरोना भाइरस संक्रमणको पुष्टी भएको अस्पताल श्रोतले जनाएको छ ।

यसअघि पनि चीनबाट आएका एक युवकमा कोरोना भाइरसको संक्रमण भएको पुष्टि भएको थियो । योसंगै नेपालमा कोरोना संक्रमितको संख्या दुई पुगेको छ । हङकङ पठाइएको रगतको नमुना परीक्षणबाट उनमा भाइरस संक्रमण पुष्टि भएको हो ।

ती युवकसँगै अस्पताल भर्ना भएकी ४८ वर्षीय महिलामा भने भाइरस संक्रमण नभएको पुष्टि भएको अस्पतालको भनाइ छ । टेकु अस्पतालको आइसोलेसन वार्डमा उपचार गरिरहेका उनीहरु दुवैजना चीनको बाटो हुँदै नेपाल फर्किएका थिए ।