देशका बिभिन्न भागमा बुधबार बिहान देखि हिमपात, जनजीवन प्रभावित

१५ माघ, काठमाडौं । बैतडीसहित सुदूरपश्चिमका पहाडी जिल्लामा बुधबार बिहान भएको हिमपातले जनजीवन प्रभावित भएको छ ।

बैतडीको श्रीभावर, ढोल्यामोड, सिगासधुरा, खोड्पे,सतबाँझ, ग्वाल्लेक, जित्कीजुवाँड, कलालबसेलगायतका अधिकांश क्षेत्रमा हिमपात भएको छ । वर्षा र हिमपातको चिसोका कारण बाहिर निस्कन मुस्किल भएको पछि वस्तुभाउको स्याहारमा समेत समस्या भएको छ ।

लगातार भएको वर्षा र हिमपातले हिउँदेबालीमा क्षति पुगेको छ । सुरुको वर्षा र हिमपातले बालीनालीलाई फाइदा पुर्याएको भएपनि लगातार वर्षा र हिमपात हुँदा हिउँदेबालीमा क्षति पुगेको किसानको गुनासो छ ।