नेप्से परिसूचक घट्दा पनि लघुवित्तका शेयरधनी मालामाल हुनुको यस्तो छ कारण

माघ १५, काठमान्डौ : लघुवित्त कम्पनीका शेयरधनीहरु खुशी भएको दिन नेप्से परिसुचक भने सामान्य अंकले घटेको छ । बुधवार नेप्से परिसूचक शुन्य दशमलव २७ अंकले घटेर १३०५ दशमवल ८८ को विन्दुमा बन्द भएको छ । आज १७६ कम्पनीको शेयर खरीद बिक्री हुँदा १ अर्ब २९ करोड बराबरको कारोवर भएको छ ।

आज लघुवित्त कम्पनीहरुको शेयरमा लगानीकर्ता निकै आर्कषित हुँदा आज लघुवित्त कम्पनीहरुको उपसुचकमा सर्वाधिक ४ दशमलव ३४ प्रतिशतको वृद्धि देखिएको छ । बजारलाई ड्राईभ गर्ने वाणिज्य बैंकको उपसुचकमा भने सामान्य शुन्य दशमवल ७ प्रतिशतको गिरावट देखिएको छ । आर्थिक वर्ष ७६/७७ को दोश्रो त्रैमासको वित्तिय विवरणमा लघुवित्त कम्पनीहरुको नाफामा आकर्षक वृद्धि देखिएकाले लगानीकर्ताहरु लघुवित्त कम्पनी तर्फ आकर्षित भएको शेयर बजारको जानकार बताउछन ।  कम पुँजी, बजारमा शेयर संख्या कम भएको कारणले गर्दा लघुवित्तमा छिटो बुल देखिएको छ । 

आज बजार १३०६ दशमवल १६ को विन्दुमा खुलेकोमा बजार ११ बजेर ४२ मिनेटमा १३११ दशमवल ७५ को उच्च विन्दु सम्म पुगेको थियो ।  त्यस्तै १२ बजेर २५ मिनेटमा बजार १३०२ दशमलव १५ को न्यून विन्दुसम्म पुगेको थियो। १३०० को विन्दुलाई मनोवैज्ञानिक टेवा र प्राविधिक टेवाको रुपमा देखिएको छ ।

आज नाडेप लघुवित्तको सर्वाधिक शेयर कारोवारसंगै बजार मूल्य पनि सर्वाधिक वृद्धि भएको छ । त्यस्तै  प्रोग्रेसिभ फ़ाईनान्सका शेयर धनीले सर्वाधिक गुमाए ।

हेरौं आज सर्वाधिक कारोवार हुने, कमाउने र गुमाउने कम्पनीहरु:

प्राविधिक बिश्लेषण :

मुख्य प्रतिरोध : १३१७ पहिलो टेवा: १३००

• आज नेप्सेमा उतारचडाब कम रहेको छ ।  आज नेप्से परिसूचक १३०५ दशमलब ८८ को बिन्दुमा बन्द भएको छ ।
• आजको कारोबारले “डोजी” मैनबत्तीको चित्र बनाएको छ । यसले बजारमा माग र आपूर्ती लगभग बराबर रहेको जानकारी गराउँदछ ।
• दैनिकी अवधिमा “आरएसआई” ६५ दशमलब ५६ को बिन्दुमा छ । आरएसआईको प्रवृत्ति “न्यूट्रल जोन”भन्दा माथि रहेको छ भने निश्चित दिशा तय गरेको देखिन्दैन ।
• “एडिएक्स”ले क्रेताको चाप कमजोर हँदै गएको जनाएको छ भने जोड र बिजोड “डाइरेक्सनल इन्डेक्स”हरु तटस्थ अवस्थामा देखिएको छ ।
• “अन ब्यालेन्स भल्यूम” ले निश्चित रुपमा जानकारी दिएको देखिंदैन । नेप्से बढेमा पहिलो प्रतिरोध १३१७ को क्षेत्रमा पाउने देखिन्छ र घटेमा पहिलो टेवा १३०० को क्षेत्रमा पाउने देखिन्छ ।