नेकपाको महाधिवेशन चैतको २५ देखि ३० सम्म गर्ने प्रस्ताव

१५ माघ, काठमाडौं । सत्तारुढ नेपाल कम्युनिस्ट पार्टी (नेकपा) को महाधिवेशन २०७७ चैत अन्तिम सातामा गर्ने प्रस्ताव पेश भएको छ ।

कार्यकारी अध्यक्ष पुष्पकमल दाहाल प्रचण्डद्वारा प्रस्तुत संयुक्त राजनीतिक प्रतिवेदनमा चैतको २५ देखि ३० सम्म एकता महाधिवेशन गर्न प्रस्ताव गरिएको छ । यसैगरी ०७७ को भदौदेखि मङ्सिर महिनासम्म स्थानीय र प्रदेश तहका अधिवेशन सम्पन्न गर्ने कार्य तालिका पनि प्रस्ताव गरिएको छ ।

आजबाट देखि सुरु भई यही माघ २२ गतेसम्म जारी रहने केन्द्रीय कमिटी बैठकले प्रस्तावित मितिलाई अनुमोदन गरे सोही समयमा महाधिवेशन हुने छ ।