पार्टीको अवस्था दयनीय रहेको प्रचण्डको निश्कर्ष

१६ माघ काठमाडौं । राजधानीमा जारी नेपाल कम्युनिष्ट पार्टी (नेकपा) को दोस्रो पूर्ण बैठकमा बोल्दै अध्यक्ष प्रचण्डले पार्टीको अवस्था दयनीय रहेको बताएका छन् ।

सरकारले ठूला कुराहरु गरिरहँदा स साना कामहरुमा ध्यान दिन नसकेको, विधेयकहरु बनाउँदा सरोकारवालाहरुसँग छलफल नगरेको, भ्रष्टाचार नरोकिएको लगायतका पार्टीभित्र अहिले घात, अन्तरघात र अराजकताको स्थिति कायम रहेको प्रचण्डको विश्लेषण छ ।

केन्द्रीय कमिटी बैठकमा सरकारका कामहरुको समीक्षा गर्दै फाष्ट ट्रयाक र सडक विस्तारको कुरा गर्दा आज सडकमा दिनदिनै हुने गरेको दुर्घटना र जनधनका क्षति रोक्न नीति योजना र कार्यक्रम निर्माण एवम् बजेट विनियोजनमा पनि सरकारको ध्यान जान नसकेको उनको आरोप छ ।

पार्टीलाई यो अवस्थाबाट सुधार्न विभिन्न ८ वटा काम गर्नुपर्ने प्रचण्डको प्रस्ताव छ ।