कोरोना भाइरसको संक्रमणबाट १७० को मृत्यु, ७ हजार ७ सयलाई संक्रमण

१६ माघ काठमाडौं । कोरोना भाइसरको संक्रमणबाट मृत्यु हुनेको संख्या एक सय ७० पुगेको छ भने ७ हजार ७ सयलाई संक्रमण रहेको बताइएको छ ।

बिहीबार बिहान विश्व स्वास्थ्य संगठनले जनाए अनुसार मृत्यु हुनेहरु प्राय चीनको मध्य प्रान्त हुबेइका रहेका छन्। कोरोना भाइरसको प्रभाव बढेसँगै विभिन्न राष्ट्रका नागरिकहरुले चीन छाडेका छन्। हालसम्म १९५ अमेरिकी नागरिकले कुहान शहर छाडिसकेका छन् भने २१० जापानी नागरिकहरु टोकियो फर्केका छन्।

जापान फर्केका नागरिकमध्ये तीन जनामा भाइरसको संक्रमण पुष्टी भएको छ। फ्रान्स, न्युजिल्याण्ड, अष्ट्रेलिया लगायतका राष्ट्रहरुले पनि आफ्ना नागरिकहरुलाई फर्काउन प्रकृया अघि बढाएका छन्। यो भाइरस नेपाल, जर्मनी, फ्रान्स, अमेरिका लगायतका १५ मुलुकमा फैलिसकेको विश्व स्वास्थ्य संगठनले जनाएको छ।