कोरोना भाइरसका कारण नेपाली उडान रद्द भए

१६ माघ काठमाडौं । चीनको हुवेई प्रान्तबाट फैलिएको नोभल कोरोना भाइरसका कारण हिमालय एयरलाइन्सले चीनका लागि आफ्नो नियमित उडान तत्कालका लागि रद्द गरेको छ ।

एयरलाइन्सले विज्ञप्ति जारी गर्दै चीनको हुवेई प्रान्तबाट फैलिएको नोभल कोरोना भाइरसका कारण अर्को सूचना जारी नभए सम्मका लागि उडान तत्कालका लागि रद्द गर्नु परेको जनाएको छ । एयरलाइन्स चीन उडानका लागि पहिले नै टिकट लिइसकेका यात्रुको पनि उडान रद्द गर्नु परेको जनाएको छ ।

चीनमा कोरोना भाइरसको संक्रमण बढेपछि एयरलाइन्सले १० माघमा नै तीन वटा प्रमुख सहरको उडान रद्द गरिसकेको छ । चीनमा कोरोना भाइरसको संक्रमण नरोकिएपछि एयरलाइन्सले चोङचिङ र बेइजिङ सहरका लागि पनि उडान र अवतरण रद्द गरेको छ ।