कोपुण्डोलको इन्जिनियरिङ कलेजमा विद्यार्थीहरुले फर्निचर जलाए

१७ माघ, काठमाडौं । ललितपुरको कोपुण्डोलस्थित जनकपुर इन्जिनियरिङ कलेजका सिभिल इन्जिनियरिङका दोस्रो र तेस्रो वर्षका विद्यार्थीहरुले प्रशासन विरुद्ध प्रदर्शन गर्दै कक्षका फर्निचर जलाएका छन्।

विभिन्न माग राख्दै एक सातादेखि प्रदर्शन गर्दै आए पनि कलेज प्रशासनले सुनुवाई नगरेकाले फर्निचरमा आगजनी भएको प्रदर्शनकारीले बताए। परीक्षा आउने बेला भइसक्यो, अझै कोर्ष पूरा भएको छैन, शिक्षकहरु आउन छोडिसके। तेस्रो वर्षका विद्यार्थीलाई अहिलेसम्म फिल्ड सर्भेमा पठाइएको छैन,” आन्दोलनरत विद्यार्थीले भने ।

कलेजका प्रमुख कार्यकारी अधिकृतलाई नियमित कक्षा सञ्चालन गराउन बारम्बार आग्रह गरिए पनि उनले बेवास्ता गरिरहेको विद्यार्थीहरुको गुनासो थियो ।