कतारबाट फर्किएका ३३ जनाको तलब आयो, सुचि सहित

२२ माघ काठमाडौं । वैदेशिक रोजगारमा कतार पुगेर बिना तलब फर्किएका ३३ जना कामदारको तलब आएको छ । कतारको मर्करी मेना इलेक्ट्रोनिक कम्पनीमा गएका कामदारले तलब नपाएको उजुरी वैदेशिक रोजगार विभागमा गरेपछि विभागको पहलमा कतारमा रहेको नेपाली राजदुतावास मार्फत २ लाख 85 हजार रियल (कतारी रुपैया) आएको वैदेशिक रोजगार विभागले जनाएको छ ।

विभागले माघ २० गते एक सूचना प्रकाशित गर्दै एक हप्ता भित्र निवेदन कर्ताले आफ्नो नागरिकता, राहदानीको फोटो कपि सहित वैदेशिक रोजगार विभाग अथवा प्रदेशका श्रम कार्यलयमा सम्पर्क गर्न भनेको छ । नेपालबहससँग कुराकानी गर्दै वैदेशिक रोजगार विभागका सूचना अधिकारी भोलानाथ गुरागाईले पीडित सबैलाई छिटोभन्दा छिटो सम्पर्कमा आउन आग्रह गरे ।

विभागले श्रम तथा रोजगार कार्यलयहरु विराटनगर, जनकपुर , पोखरा, बटुवल, सुर्खेत र धनगढीमा सो विवरणहरु उपलब्ध गराउन सकिने पनि जनाएको छ ।