केदारेश्वर धाममा सेञ्चुरी बैंकको सहयोग

२२ माघ, काठमाडौं । सेञ्चुरी कमर्सियल बैंकको बाँसगढी शाखाले बैंकको संस्थागत सामाजिक उत्तरदायित्व अन्तर्गत केदारेश्वर धामलाई ट्याङ्की वितरण गरेको छ । धाममा भ्रमणको लागी जाने भक्तजनको लागी सफा पानीे उपलब्ध गराउनको निम्ती एक थान एक हजार लीटरको पानी ट्यांङ्की दिएको बैंकले जनाएको छ ।

साथै धामको नियमित सरसफाईको लागी बीस हजार रुपैयाँ बराबरको टिकट पनि हस्तान्तरण गरेको छ । धाममा जाने भक्तजनबाट सहयोग स्वरूप ति टिकटहरु हस्तान्तरण गरेको बैंकले जनाएको छ । पानी ट्यांङ्की र टिकट बैंकका बाँसगढी शाखाका शाखा प्रबन्धक प्रदीप खरेलले केदारेश्वर धामका सञ्चालक समितीका अध्यक्ष कृष्णप्रसाद बास्तोलालाई हस्तान्तरण गरेका थिए ।

केदारेश्वर धाम मध्यपश्चिम विकास क्षेत्रको बर्दिया जिल्ला बाँसगढीमा रहेको छ । यो मध्यपश्चिम विकास क्षेत्रकै ठुलो शिबलिङ्ग हुनुका साथै नेपाल सरकारको सय पर्यटकीय गन्तब्यमा पर्न सफल स्थान पनि हो ।

बैंकको आफ्नो संस्थागत सामाजिक उत्तरदायित्व अन्तर्गत शिक्षा, स्वास्थय, वातावरण तथा अन्य क्षेत्रमा थुप्रै कार्यक्रमहरु गर्दै आएको छ । बैंकले अन्य जानकारीका लागी बैंकको वेबसाइट www.centurybank.com.np   तथा बैंकका शाखा कार्यालयहरुमा सम्पर्क राख्न अनुरोध गरेको छ ।